ബെംഗളൂരു: മൈസൂരു ഹുൻസൂർ മെയിൻ റോഡിൽ ഹിങ്കലിലെ മുത്തപ്പൻ മടപ്പുരയിൽ 20-ാം വാർഷിക തിരുവപ്പന മഹോത്സവവും പ്രതിഷ്ഠാ വാർഷികാഘോഷവും ഇന്ന് മുതൽ മാർച്ച് ഒന്നുവരെ നടക്കും.
മഹാഘോഷയാത്ര ഇന്ന് വൈകീട്ട് അഞ്ചു മുതൽ നടക്കും. വൈകീട്ട് ഏഴിന് നടക്കുന്ന നടപ്പന്തൽ ഉദ്ഘാടനം ഗോകുലം ഗോപാലൻ നിർവഹിക്കും. തുടർന്ന് പ്രതിഷ്ഠാ വാർഷികപൂജകളും തുടർന്ന് പ്രസാദസദ്യ വിതരണവും നടക്കും. അന്നദാനമുണ്ടാകും.
28-ന് മുത്തപ്പൻ വെള്ളാട്ടം, ഭഗവതി വെള്ളാട്ടം, കലശം തേടൽ, കലശംവരവ്, മുടിയഴിക്കൽ എന്നിവ നടക്കും. രാത്രി എട്ടുമുതൽ പ്രസാദസദ്യ വിതരണം. മാർച്ച് ഒന്നിന് രാവിലെ തിരുവപ്പന, പത്തിന് പള്ളിവേട്ട, ഭഗവതിത്തിറ. ഉച്ചയ്ക്ക് 12.30 മുതൽ മഹാഅന്നദാനവും ഉണ്ടാകുമെന്ന് ഭാരവാഹികള് അറിയിച്ചു.
SUMMARY: Mysore Hinkal Muthappan Madapura; Thiruvapana festival begins today
