ബെംഗളൂരു: ബെംഗളൂരു കെംപെഗൗഡ അന്താരാഷ്ട്ര വിമാനത്താവളത്തിൽ 6.5 കോടി രൂപയുടെ 18.6 കിലോഗ്രാം ഹൈഡ്രോപോണിക് കഞ്ചാവുമായി 2 യാത്രക്കാരെ കസ്റ്റംസ് ഉദ്യോഗസ്ഥർ പിടികൂടി. ബാങ്കോക്കിൽ നിന്നെത്തിയവരാണ് അറസ്റ്റിലായത്.
ആദ്യ കേസിൽ, ടെർമിനൽ 2 ൽ ചെക്ക്-ഇൻ ബാഗേജിൽ ഒളിപ്പിച്ച നിലയിൽ യാത്രക്കാരനിൽ നിന്ന് 1.94 കോടി രൂപ വിലമതിക്കുന്ന 5.55 കിലോഗ്രാം ഹൈഡ്രോപോണിക് കഞ്ചാവും രണ്ടാമത്തെ കേസിൽ 4.57 കോടി രൂപ വിലമതിക്കുന്ന 13.06 കിലോഗ്രാം ഹൈഡ്രോപോണിക് കഞ്ചാവും പിടിച്ചെടുത്തു. ഇവരുടെ പെരുമാറ്റത്തിൽ സംശയം തോന്നി ലഗേജ് വിശദമായി പരിശോധിച്ചപ്പോഴാണു ലഹരിമരുന്നു കണ്ടെത്തിയത്. രണ്ട് പ്രതികളെയും നാർക്കോട്ടിക് ഡ്രഗ്സ് ആൻഡ് സൈക്കോട്രോപിക് സബ്സ്റ്റൻസസ് (എൻഡിപിഎസ്) ആക്ട് പ്രകാരം അറസ്റ്റ് ചെയ്തതായി ഉദ്യോഗസ്ഥർ പറഞ്ഞു. വ്യാഴാഴ്ച ബ്രസീൽ സ്വദേശിയിൽ നിന്നു 4.77 കിലോഗ്രാം കൊക്കെയ്ൻ പിടികൂടിയിരുന്നു.
SUMMARY: Hydroponic cannabis worth Rs 6.5 crore seized at Bengaluru airport; Two passengers were arrested
SUMMARY: Hydroponic cannabis worth Rs 6.5 crore seized at Bengaluru airport; Two passengers were arrested
