തിരുവനന്തപുരം: കേന്ദ്ര-സംസ്ഥാന സർക്കാരുകളെ ഒരുപോലെ കടന്നാക്രമിച്ച്‌ പ്രിയങ്ക ഗാന്ധി. പ്രധാനമന്ത്രി നരേന്ദ്ര മോദി നട്ടെല്ലില്ലാത്ത ഭീരുവാണെന്നും മുഖ്യമന്ത്രി പിണറായി വിജയൻ മോദിയുടെ ബി ടീം ആയി പ്രവർത്തിക്കുകയാണെന്നും പ്രിയങ്ക ആരോപിച്ചു. ചിറയിൻകീഴ് മണ്ഡലത്തിലെ യുഡിഎഫ് പൊതുയോഗത്തില്‍ സംസാരികാണുകയായിരുന്നു പ്രിയങ്ക.
ഗള്‍ഫ് പ്രതിസന്ധിയിലും പ്രിയങ്ക ഗാന്ധി സംസാരിച്ചു. മോദി സർക്കാർ നയം അവിടെയുള്ള ഇന്ത്യക്കാർക്ക് സുരക്ഷ നല്‍കുന്നില്ല. മോദി അമേരിക്കക്കും ഇസ്രായേലിനും മുന്നില്‍ തലകുനിച്ചു. നമ്മുടെ ഊർജ സുരക്ഷ അമേരിക്കക്ക് തീറെഴുതി. മോദി ഭീരുവാണ്. ഇന്ത്യക്ക് വേണ്ടി നിവർന്നുനില്‍ക്കാനുള്ള ധൈര്യം മോദിക്കില്ല. എപ്സ്റ്റീൻ ഫയല്‍സില്‍ പേരുള്ളതുകൊണ്ടാണ് ഈ ഭയമെന്നും അവർ പറഞ്ഞു. മുഖ്യമന്ത്രി പിണറായി വിജയൻ നരേന്ദ്രമോദിയുടെ ബി ടീം ആണെന്നും പ്രിയങ്ക ഗാന്ധി തുറന്നടിച്ചു.
മുഖ്യമന്ത്രിക്ക് മാത്രം എങ്ങനെയാണ് പരിഗണന ലഭിക്കുന്നത്? ശബരിമലയില്‍ കൊള്ളയടിച്ചിട്ടും അന്വേഷണം ഇല്ല. ഇടത് നേതാക്കള്‍ക്ക് മാത്രം എന്താണ് പ്രത്യേകത? കേരളത്തിന്‌ ഒരു പുതിയ സർക്കാർ അത്യാവശ്യമാണെന്നും ജനങ്ങളോട് സർക്കാരിന് ഉത്തരവാദിത്തമുണ്ടെന്ന് ഓർമിപ്പിക്കണമെന്നും പ്രിയങ്ക ചിറയൻകീഴില്‍ പറഞ്ഞു.
സംസ്ഥാനത്തെ ആരോഗ്യ മേഖല തകർന്നടിഞ്ഞതായും. കേരളത്തില്‍ പഠിച്ചിറങ്ങുന്നവർക്ക് തൊഴില്‍ കിട്ടാത്ത അവസ്ഥയാണ്. കർഷകർ പ്രതിസന്ധിയിലാണെന്നും വിലക്കയറ്റം രൂക്ഷമാണെന്നും പ്രിയങ്കാ ഗാന്ധി തന്റെ പ്രസംഗത്തില്‍ ചൂണ്ടിക്കാട്ടി. ആശ സമരത്തെപ്പറ്റിയും പ്രിയങ്കാ ഗാന്ധി തന്റെ പ്രസംഗത്തില്‍ സൂചിപ്പിച്ചു. സർക്കാർ ആശ സമരക്കാരുടെ ശബ്ദം അടിച്ചമർത്തി. തിരഞ്ഞെടുപ്പ് വന്നപ്പോള്‍ മാത്രം അവരെ കണ്ടു. ആശ വർക്കർമാർക്ക് ചെറിയ വേതനം മാത്രമാണുള്ളത്. അവരുടെ ജോലിക്കുള്ള വേതനം കിട്ടുന്നില്ല. സർക്കാർ അവരുടെ ജീവിത പ്രശ്നങ്ങള്‍ മനസ്സിലാക്കിയില്ല.
മല്‍സയതൊഴിലാളികളുടെർ പ്രശ്നങ്ങളും പ്രിയങ്കാ ഗാന്ധി ഉയർത്തിക്കാട്ടി, മത്സ്യത്തൊഴിലാളികള്‍ക്കും ദുരിത ജീവിതമാണ്. വലിയ വ്യവസായികള്‍ തുറമുഖം ഏറ്റെടുക്കുമ്പോള്‍ ദുരിതം മത്സ്യതൊഴിലാളികള്‍ക്കാണ്. എംപിമാർക്ക് പലതും ചെയ്യണം എന്നുണ്ട്. പക്ഷേ സംസ്ഥാന സർക്കാർ അവസരം നല്‍കുന്നില്ല. പത്തു വർഷമായിട്ടും സർക്കാർ ഒന്നും നല്‍കിയില്ല. മലയാളികളെ വിശേഷിപ്പിക്കാൻ വാക്കുകള്‍ ഇല്ലെന്നും. ഇവിടുത്തെ ജനങ്ങള്‍ ബുദ്ധിശാലികളും അധ്വാനികളുമാണെന്നും പ്രിയങ്കാ ഗാന്ധി പറഞ്ഞു.
SUMMARY: ‘Modi is a spineless coward, Modi government’s policy does not provide security to Indians there’; Priyanka Gandhi attacks Modi
