ബെംഗളൂരു: കർണാടകയിലെ തീരദേശ ജില്ലകളിൽ കനത്ത മഴയ്ക്ക് സാധ്യതയുണ്ടെന്ന് കാലാവസ്ഥാ നിരീക്ഷണ വകുപ്പ്. (ഐഎംഡി). ഇതേതുടര്ന്ന് ശനിയാഴ്ച തീരദേശ ജില്ലകളിൽ യെല്ലോ അലർട്ട്പ്രഖ്യാപിച്ചു. തീരദേശ ജില്ലകളിലും മലനാട് മേഖലയിലും, പ്രത്യേകിച്ച് ഉച്ചയ്ക്കും വൈകുന്നേരവും മിതമായതോ കനത്തതോ ആയ മഴ ലഭിക്കുമെന്നാണ് മുന്നറിയിപ്പ്.
ബംഗാൾ ഉൾക്കടലിൽ രൂപം കൊണ്ട ന്യൂനമർദ്ദം മൂലം കാലാവസ്ഥാ വ്യതിയാനം ഉണ്ടായതിന്റെ പശ്ചാത്തലത്തിലാണ് ഈ മാറ്റം. ഇത് കർണാടകയുടെ തെക്കൻ ഉൾപ്രദേശങ്ങളിലും, തീരദേശ പ്രദേശങ്ങളിലും, പശ്ചിമഘട്ടത്തിലും മഴ ലഭിക്കും. ബെംഗളൂരുവിലെ ചില ഭാഗങ്ങളിൽ നേരിയ മഴയ്ക്ക് സാധ്യതയുണ്ടെന്നും പരമാവധി താപനില 32°C നും 34°C നും ഇടയിലായിരിക്കുമെന്നും കുറഞ്ഞ താപനില 21°C നും 23°C നും ഇടയിലായിരിക്കുമെന്നും ഐഎംഡി അറിയിച്ചു.
ഏപ്രിൽ 10 ന് ശേഷം സംസ്ഥാനത്തുടനീളം മഴ ശക്തമാകാൻ സാധ്യതയുണ്ടെന്ന് കാലാവസ്ഥാ വകുപ്പ് സൂചന നൽകിയിട്ടുണ്ട് ബീദർ, കലബുറഗി, വിജയപുര, ഹാസൻ, മൈസൂരു, മാണ്ഡ്യ, കുടക് തുടങ്ങിയ ജില്ലകളിലും ബെംഗളൂരു അർബൻ, റൂറൽ ജില്ലകളിലും ഈ കാലയളവിൽ കൂടുതൽ വ്യാപകമായ മഴ ലഭിക്കുമെന്ന് പ്രതീക്ഷിക്കുന്നതായി ഐഎംഡി അറിയിച്ചു.
SUMMARY: Chance of rain with thunderstorm; Yellow alert in coastal districts of Karnataka
