ബെംഗളൂരു: ശ്രീനാരായണ സമിതി സംഘടിപ്പിക്കുന്ന മഹാകവി കുമാരനാശാന്റെ ജന്മദിനവാര്ഷികവും സ്മൃതി മണ്ഡപസ്ഥാപിത വാര്ഷികവും ഞായറാഴ്ച നടക്കും. രാവിലെ 9 മണിക്ക് ശ്രീനാരായണ സമിതി അങ്കണത്തില് സ്ഥാപിച്ചിട്ടുള്ള മഹാകവി കുമാരനാശാന്റെ സ്മാരകത്തില് പുഷ്പാര്ച്ചനക്ക് ശേഷം നടക്കുന്ന മെഗാ സെമിനാറില് മഹാകവി കുമാരനാശാന്റെ ചെറുമകന് ഡോ. അരുണ്കുമാര് മുഖ്യാതിഥിയായിരിക്കും.
സുധാകരന് രാമന്തളി, വിഷ്ണുമംഗലം കുമാര്, പി ഗോപകുമാര് ഐ ആര് എസ്, മധു കലമാനൂര്, ടി എം ശ്രീധരന്, രമ പ്രസന്ന പിഷാരടി, കൃഷ്ണകുമാര് കടമ്പൂര് തുടങ്ങിയവര് സംസാരിക്കും. ആശാന് കവിതകളുടെ പാരായണവും, അപര്ണ സുരേഷ് അവതരിപ്പിക്കുന്ന ദൃശ്യ ആവിഷ്കാരവും ഉണ്ടായിരിക്കും. ശ്രീനാരായണ സമിതി പ്രസിഡന്റ് രാജമോഹനന്, ജനറല് സെക്രട്ടറി എം കെ രാജേന്ദ്രന്, എ ബി അനൂപ്, വി കെ സുരേന്ദ്രന്, ജ്യോതിശ്രീ സത്യവാന്, എന്നിവര് നേതൃത്വം നല്കും.
SUMMARY: Kumaranasan’s birthday; Sree Narayana Samiti mega seminar tomorrow
