ജാലഹള്ളി അയ്യപ്പക്ഷേത്രത്തില്‍ പ്രതിഷ്ഠാവാർഷികത്തിന് ഇന്ന് തുടക്കം

ബെംഗളൂരു: ജാലഹള്ളി അയ്യപ്പക്ഷേത്രത്തിന്റെ 59-മാത് പ്രതിഷ്ഠാവാർഷികം ഏപ്രിൽ 21, 22, 23, തീയതികളിൽ ആഘോഷിക്കും. 21-ന് രാവിലെ ഒൻപതു മുതൽ പ്രത്യേകംതയ്യാറാക്കിയ മണ്ഡപത്തിൽ ലക്ഷാർച്ചന. 22-ന് വൈകീട്ട് 6.30 മുതൽ സഹസ്രകലശപൂജയും കളഭപൂജയും നടക്കും. പ്രതിഷ്ഠാദിനമായ 23-ന് രാവിലെ 9.30 മുതൽ അയ്യപ്പസ്വാമിക്ക് കളഭാഭിഷേകം, സഹസ്രകലശാഭിഷേകം, ഭസ്മാഭിഷേകം എന്നിവ ക്ഷേത്രംതന്ത്രിയുടെ പ്രതിനിധിയായ ബൈജു ദാമോദരൻനമ്പൂതിരിയുടെ മുഖ്യ കാർമികത്വത്തിൽ നടക്കും. തുടർന്ന് പ്രസാദ ഊട്ട് നടക്കും.