ബെംഗളൂരു: കേരള മുഖ്യമന്ത്രിയായി തിരഞ്ഞെടുത്ത വി.ഡി. സതീശനെ അനുമോദിച്ച് കർണാടക മലയാളി കോൺഗ്രസ്. ഇന്ദിരാനഗറിൽ നടന്ന അനുമോദന യോഗത്തിൽ പ്രവര്‍ത്തകര്‍ കേക്ക് മുറിച്ച് ആഘോഷിച്ചു. യോഗത്തിൽ സംസ്ഥാന വൈസ് പ്രസിഡൻ്റ് അരുൺ കുമാർ അധ്യക്ഷത വഹിച്ചു. കെ.എം.സി. സംസ്ഥാന പ്രസിഡന്റ് സുനിൽ തോമസ്, കേരള യൂത്ത് കോൺഗ്രസ് സംസ്ഥാന വൈസ് പ്രസിഡന്റ്റ് വി.പി. അബ്ദുൽ റഷീദ് എന്നിവർ ഓൺലൈൻ വഴി പരി പാടിക്ക് ആശംസകൾ അർപ്പിച്ചു.
കെ.എം.സി. സംസ്ഥാന ജനറൽ സെക്രട്ടറിമാരായ നന്ദകുമാർ കൂടത്തിൽ, രാജീവൻ കളരിക്കൽ, ഒ.കെ. അനിൽകുമാർ, ഷാജി ജോർജ്, സബീനാ അരുൺ, നിമ്മി രവീന്ദ്രൻ എന്നിവർ പങ്കെടുത്തു.
