തിരുവനന്തപുരം: മുൻ മുഖ്യമന്ത്രി പിണറായി വിജയന്റെ വസതികളില്‍ എൻഫോഴ്സ്മെന്റ് ഡയറക്ടറേറ്റ് (ഇഡി) നടത്തിയ റെയ്ഡിനെക്കുറിച്ചും തുടർന്നുണ്ടായ അക്രമ സംഭവങ്ങളെക്കുറിച്ചുമുള്ള ചോദ്യങ്ങളില്‍ മൗനം തുടർന്ന് മുഖ്യമന്ത്രി വി.ഡി. സതീശൻ. മാധ്യമ പ്രവർത്തകരുടെ ചോദ്യങ്ങളില്‍ നിന്ന് ഇന്നും അദ്ദേഹം ഒഴിഞ്ഞുമാറി.
പെരുന്നാള്‍ ആഘോഷങ്ങളുടെ ഭാഗമായി മലപ്പുറം പാണക്കാട് തറവാട്ടില്‍ വി ഡി രാവിലെ സന്ദർശനം നടത്തിയിരുന്നു. പാണക്കാട് കുടുംബത്തോടൊപ്പം പ്രഭാതഭക്ഷണത്തില്‍ പങ്കുചേരാൻ കഴിഞ്ഞതില്‍ വലിയ സന്തോഷമുണ്ടെന്നും ജാതിമത വ്യത്യാസമില്ലാതെ എല്ലാവർക്കും ഒരുമിച്ച ആഘോഷിക്കാൻ കഴിയുന്ന രീതിയില്‍ വരും കാലം മാറണമെന്നും മാത്രമാണ് വി ഡി സതീശൻ പറഞ്ഞത്.
ഇ ഡി റെയ്‌ഡിനെക്കുറിച്ചുള്ള ചോദ്യങ്ങള്‍ക്ക് അദ്ദേഹം മറുപടി നല്‍കിയില്ല. റെയ്‌ഡ് വലിയ രാഷ്‌ട്രീയ ചർച്ചയായ സാഹചര്യത്തിലാണ് മുഖ്യമന്ത്രി മൗനം പാലിക്കുന്നത്. ഇന്നലെയും മാധ്യമങ്ങള്‍ക്ക് കൃത്യമായ ഉത്തരം നല്‍കാതെ അദ്ദേഹം ഒഴിഞ്ഞുമാറുകയായിരുന്നു.
SUMMARY: Despite repeated requests, there was silence; CM evades media during ED raid
