തിരുവനന്തപുരം: സംസ്ഥാനത്തെ വിവിധ ഭാഗങ്ങളില്‍ റേഷൻ കടകളുടെ പ്രവർത്തനം സ്തംഭിച്ചു. രാവിലെ മുതല്‍ പലയിടങ്ങളിലും ഇ-പോസ് മെഷീനുകള്‍ പ്രവർത്തനരഹിതമായതിനെ തുടർന്ന് റേഷൻ വിതരണം തടസപ്പെട്ടു. റേഷൻ കടകളുടെ ഉച്ചയ്ക്ക് 12 മണിവരെയുള്ള പ്രവർത്തനത്തെയാണ് തകരാർ പ്രധാനമായും ബാധിച്ചത്.
റേഷൻ വാങ്ങാനെത്തിയ നിരവധി പേർ വിതരണം നടക്കാതെ നിരാശരായി മടങ്ങി. സാങ്കേതിക തകരാർ പരിഹരിച്ചില്ലെങ്കില്‍ വൈകുന്നേരത്തെ റേഷൻ വിതരണത്തെയും ബാധിക്കുമെന്ന ആശങ്കയുണ്ട്. പ്രശ്നം പരിഹരിക്കാനുള്ള നടപടികള്‍ പുരോഗമിക്കുകയാണ്.
SUMMARY: Ration distribution in the state has been disrupted
