ചെന്നൈ: തമിഴ്നാട് സാമൂഹികക്ഷേമ വകുപ്പ് മന്ത്രി കെ. ജഗദീശ്വരിയുടെ കാർ ഇടിച്ച് ബൈക്ക് യാത്രക്കാരൻ കൊല്ലപ്പെട്ടു. തിരുച്ചിറപ്പള്ളി – ചെന്നൈ ദേശീയപാതയിലെ കാട്ടാൻകുളത്തൂരിൽ നടന്ന അപകടത്തിൽ 26-കാരനായ ഇരയിൻപ് ആണ് മരിച്ചത്.
നിയമസഭാ സമ്മേളനത്തിനായി ചെന്നൈയിലേക്ക് വരികയായിരുന്ന മന്ത്രിയുടെ ഔദ്യോഗിക വാഹനത്തിന് പിന്നാലെ സഞ്ചരിച്ചിരുന്ന സ്വന്തം രജിസ്ട്രേഷനിലുള്ള കാറാണ് അപകടത്തിൽപെട്ടത്. മന്ത്രിയുടെ ബന്ധുക്കളായിരുന്നു ഈ വാഹനത്തിൽ ഉണ്ടായിരുന്നത്. അശ്രദ്ധമായും അമിതവേഗതയിലും വാഹനമോടിച്ച് അപകടമുണ്ടാക്കിയതിന് കാർ ഡ്രൈവറായ മധുര സ്വദേശി ചിന്ന അഗ്നിയെ പോലിസ് അറസ്റ്റ് ചെയ്തു. അപകടത്തിൽപെട്ട വാഹനം കസ്റ്റഡിയിലെടുത്ത പോലിസ് അന്വേഷണം ഊർജ്ജിതമാക്കിയിട്ടുണ്ട്.
അതേസമയം മോശം പെരുമാറ്റത്തിന് വിവാദത്തിലായ ജഗദീശ്വരിയെ വിജയ് മന്ത്രിസഭയിൽനിന്ന് നീക്കുമെന്ന അഭ്യൂഹങ്ങൾ ശക്തമാണ്.
SUMMARY: Biker dies after being hit by Tamil Nadu minister’s car
