ബെംഗളൂരു: ബാംഗ്ലൂർ ക്രിസ്ത്യൻ റൈറ്റേഴ്സ് ഫോറത്തിന്റെ ഓണാഘോഷവും സാഹിത്യ സംവാദവും സിറ്റി കോർപ്പറേഷനു സമീപത്തുള്ള ഹോട്ടൽ ജിയോയിൽ നടന്നു. ഫാ.വർഗീസ് പുതുപ്പറമ്പിൽ ഉദ്ഘാടനം ചെയ്തു. പ്രസിഡന്റ് ടി.എ. കലിസ്റ്റസ് അധ്യക്ഷത വഹിച്ചു. ജോമോൻ എം. ജോബ് മുഖ്യപ്രഭാഷണം നടത്തി. അനിയൻ പെരുതുരുത്തിയുടെ ‘അത്തിമരം പോലെ ഒരു മനുഷ്യൻ’ എന്ന നോവൽ ഡോ. മാത്യു മണിമല പ്രകാശനം ചെയ്തു. റവ. കോർ എപ്പിസ്കോപ്പ ഫിലിപ്പ് ഏറ്റുവാങ്ങി.
ജോൺ വിൻസെന്റ്, വിൻസി സോജൻ, മിൽക്കാ ജോസ്, ടെസ്സാ റൂബി എന്നിവർ ഓണപ്പാട്ട് പാടി. രാജു തോമസ്, ജോമോൻ എം.ജോബ്, ഡോ.ഫിലിപ്പ് മാത്യു, ബിൻസൻ പോൾ, ഫ്രാൻസിസ് ആന്റണി, സി.ഡി.ഗബ്രിയേൽ എന്നിവർ പ്രസംഗിച്ചു. മുതിർന്ന എഴുത്തുകാരൻ പി.സി. വർഗീസിനെ ആദരിച്ചു. സ്നേഹവിരുന്നുമുണ്ടായി.
SUMMARY: Bangalore Christian Writers’ Forum: Onam Celebration and Literary Discussion
