ബെംഗളൂരു: ബെംഗളൂരു–ബണ്ട്വാൾ ദേശീയപാതയിൽ നെലമംഗലയ്ക്ക് സമീപമുണ്ടായ വാഹനാപകടത്തിൽ മലയാളി യുവതി മരിച്ചു. ഒപ്പമുണ്ടായിരുന്ന സുഹൃത്തിന് പരുക്കേറ്റു. സ്വകാര്യ ആശുപത്രിയിൽ നഴ്‌സായ അലീന അമ്മു (23) ആണ് മരിച്ചത്. ഇന്നലെ ഉച്ചയ്ക്ക് 12.10ഓടെ നെലമംഗല വീരനഞ്ജിപുരയ്ക്ക് സമീപത്തുവെച്ചാണ് അപകടമുണ്ടായത്.
തുമകൂരുവിലെ ദേവരായനദുർഗ മലനിരകളിൽ ട്രെക്കിങ് കഴിഞ്ഞ് സുഹൃത്ത് ആൽബിനൊപ്പം ബൈക്കിൽ മടങ്ങുന്നതിനിടെ ഇവർ സഞ്ചരിച്ച ബൈക്കിൽ ചരക്കുലോറി ഇടിച്ചാണ് അപകടമുണ്ടായത്. ബൈക്ക് ഓടിച്ചിരുന്ന ആൽബിനും പരുക്കേറ്റു. ഗുരുതര പരുക്കേറ്റ അലീന സംഭവസ്ഥലത്തുതന്നെ മരിച്ചു. ആൽബിനെ ആശുപത്രിയിൽ പ്രവേശിപ്പിച്ചു. സംഭവത്തിൽ പോലീസ് അന്വേഷണം ആരംഭിച്ചിട്ടുണ്ട്.
SUMMARY: Malayali woman dies tragically after a lorry hits her bike in Nelamangala
