ബെംഗളൂരു: സംസ്ഥാനത്ത് ഇനിമുതൽ സ്വകാര്യ സർവ്വകലാശാലകൾക്ക് അനുമതി നൽകില്ലെന്ന് സർക്കാർ വ്യക്തമാക്കി. സംസ്ഥാന ഉന്നത വിദ്യാഭ്യാസ കൗൺസിലിൻ്റെ അംഗീകാരം തേടി സ്വകാര്യ വിദ്യാഭ്യാസ സ്ഥാപനങ്ങളിൽ നിന്നുള്ള പത്തോളം അപേക്ഷകൾ ലഭിച്ചിട്ടുണ്ടെന്നും, എന്നാൽ മുഖ്യമന്ത്രിയുടെ നിർദേശപ്രകാരം കൗൺസിൽ അവ പരിഗണിച്ചിട്ടില്ലെന്നും ഉന്നത വിദ്യാഭ്യാസ മന്ത്രി ഡോ.എം. സി. സുധാകർ പറഞ്ഞു.
സ്വകാര്യ സർവ്വകലാശാലകൾക്ക് ഇനിമുതൽ പ്രവർത്തനാനുമതി നൽകരുതെന്ന് മുഖ്യമന്ത്രി സിദ്ധരാമയ്യ നിർദേശം നൽകിയതായി മന്ത്രി പറഞ്ഞു.
നിലവിൽ സംസ്ഥാനത്തിന് 27 സ്വകാര്യ സർവകലാശാലകളുണ്ട്. അവയിൽ ഭൂരിഭാഗവും ബിജെപി-ജെഡിഎസ് സഖ്യസർക്കാരിൻ്റെ കാലത്താണ് അംഗീകരിച്ചതെന്നും സുധാകർ പറഞ്ഞു. സ്വകാര്യ സർവ്വകലാശാലകളുമായി ബന്ധപ്പെട്ട് കോൺഗ്രസ് സർക്കാർ ബില്ലുകൾ പാസാക്കിയെങ്കിലും ബിജെപിയുടെ ഭരണകാലത്ത് അവ അംഗീകരിച്ചുവെന്ന് സുധാകർ പറഞ്ഞു. സ്വകാര്യ സർവ്വകലാശാലകൾ വർധിക്കുന്നതിന്റെ അർത്ഥം ദരിദ്രരായ വിദ്യാർഥികളോടുള്ള അനീതിയാണെന്ന് മന്ത്രി കൂട്ടിച്ചേർത്തു.
TAGS: KARNATAKA | COLLEGES
SUMMARY: No more private varsities in state, decides Karnataka govt
