ബെംഗളൂരു: ബെംഗളൂരുവിലെ ഫർണിച്ചർ കടയിൽ തീപിടുത്തം. ബുധനാഴ്ച രാത്രിയോടെയാണ് വിജ്ഞാന നഗറിലെ ഫർണിച്ചർ കടയിൽ തീപിടുത്തമുണ്ടായത്. സംഭവത്തിൽ കോടികൾ വിലമതിക്കുന്ന സാധനങ്ങൾ നശിച്ചു. എന്നാൽ, ആളപായമില്ല. വൈദ്യുതി ഷോർട്ട് സർക്യൂട്ടാണ് തീപിടുത്തത്തിന് കാരണമെന്നാണ് പോലീസിന്റെ പ്രാഥമിക നിഗമനം.
ബുധനാഴ്ച രാത്രി എട്ടരയോടെയാണ് ഫർണിച്ചർ കട അടച്ചത്. ഏകദേശം ഒരു മണിക്കൂറിന് ശേഷം തീപിടിത്തം ശ്രദ്ധയിൽപ്പെട്ടതിനെ തുടർന്ന് നാട്ടുകാരാണ് കടയുടമ ശിവരാജിനെയും അഗ്നിശമനസേനയെയും വിവരമറിയിച്ചത്. എന്നാൽ, ഫയർഫോഴ്സ് എത്തുമ്പോഴേക്കും തീ പടർന്ന് സാധനങ്ങളെല്ലാം കത്തിനശിച്ചിരുന്നു.ബൈയപ്പനഹള്ളി പോലീസ് സംഭവത്തിൽ കേസെടുത്തു.
TAGS: BENGALURU UPDATES | FIRE
SUMMARY: Fire at furniture store destroys goods worth crores
