കനത്ത മഴ; ചിക്കമഗളുരുവിലെ ആറ് താലൂക്കുകളിൽ വിദ്യാഭ്യാസ സ്ഥാപനങ്ങൾക്ക് നാളെ അവധി

ബെംഗളൂരു: മലനാട് മേഖലയിലെ കനത്ത മഴയെത്തുടർന്ന് ചിക്കമഗളൂരു ജില്ലയിലെ ആറ് താലൂക്കുകളിൽ വിദ്യാഭ്യാസ സ്ഥാപനങ്ങൾക്ക് നാളെ അവധി പ്രഖ്യാപിച്ചു. മുടിഗെരെ, കലാശ, ശൃംഗേരി, കൊപ്പ, എൻ.ആർ പുര, ചിക്കമഗളൂരു താലൂക്കുകളിലെ എല്ലാ അങ്കണവാടികൾക്കും സർക്കാർ, സ്വകാര്യ സ്‌കൂളുകൾക്കും ഹൈസ്‌കൂളുകൾക്കും പിയു കോളേജുകൾക്കും ഡിഗ്രി കോളേജുകൾക്കും ബുധനാഴ്ച അവധി പ്രഖ്യാപിച്ചതായി ഡെപ്യൂട്ടി കമ്മീഷണർ മീന നാഗരാജ് അറിയിച്ചു. കടൂർ, തരികെരെ, അജ്ജംപുര താലൂക്കുകളിലെ വിദ്യാഭ്യാസ സ്ഥാപനങ്ങൾക്ക് അവധി ബാധകമല്ല.

TAGS: KARNATAKA | RAIN | HOLIDAY
SUMMARY: Alert: Holiday declared for schools in Chikkamagaluru