ബെംഗളൂരു: ഓടിക്കൊണ്ടിരുന്ന കർണാടക ആർടിസി ബസിന് തീപിടിച്ചു. ശിവമോഗയിലെ സാഗർ ടൗണിലാണ് സംഭവം. ഭട്കലിൽ നിന്ന് ജോഗ് റോഡ് വഴി ബെംഗളൂരുവിലേക്ക് പോവുകയായിരുന്ന ബസിനാണ് തീപിടിച്ചത്.
തീപടർന്നതോടെ ഡ്രൈവർ ഉടൻ ബസ് നിർത്തി യാത്രക്കാരെ ഒഴിപ്പിച്ചു. ഇതോടെ വൻ ദുരന്തം ഒഴിവായി. അപകടം നടക്കുമ്പോൾ ബസിൽ 30ലധികം യാത്രക്കാരുണ്ടായിരുന്നു. ഫയർഫോഴ്സ് സ്ഥലത്തെത്തി തീ അണച്ചു. തീപിടിത്തത്തിൻ്റെ കാരണം നിലവിൽ വ്യക്തമല്ല. സംഭവത്തിൽ ശിവമോഗ ടൗൺ പോലീസ് കേസെടുത്തു.
TAGS: KARNATAKA | KSRTC | FIRE
SUMMARY: KSRTC bus catches fire in Shivamogga; Passengers escape unharmed
