ബെംഗളൂരു: കർണാടക ഇൻഡസ്ട്രിയൽ ഏരിയ ഡെവലപ്‌മെൻ്റ് ബോർഡ്‌ (കെഐഎഡിബി) ഓഫിസുകളിൽ എൻഫോഴ്‌സ്‌മെൻ്റ് ഡയറക്ടറേറ്റ് (ഇഡി) റെയ്ഡ്. കെഐഎഡിബിയുടെ ബെംഗളൂരുവിലെയും ധാർവാഡിലെയും ഓഫീസുകളിലാണ് വെള്ളിയാഴ്ച ഇഡി റെയ്ഡ് നടത്തിയത്.
സെൻട്രൽ ബെംഗളൂരുവിലെ ഖനിജ ഭവനിലെയും ധാർവാഡിലെയും കെഐഎഡിബിയുടെ ഓഫീസുകളിൽ ഒരേസമയം നടത്തിയ റെയ്‌ഡുകളിൽ നിന്ന് നിർണായക രേഖകൾ പിടിച്ചെടുത്തതായി ഇഡി ഉദ്യോഗസ്ഥർ പറഞ്ഞു. ഭൂമി ഏറ്റെടുക്കലും നഷ്ടപരിഹാരവുമായി ബന്ധപ്പെട്ട് കൃത്രിമം നടന്നതായി പരാതികൾ ലഭിച്ചതോടെയാണ് നടപടി.
ഹുബ്ബള്ളി-ധാർവാഡ് മേഖലയിലെ പല സ്ഥലങ്ങളിലും, ഗമനഗട്ടി ഗ്രാമത്തിലുമാണ് ഭൂമി ഏറ്റെടുക്കലിൽ കൃത്രിമം നടന്നത്. ഏറ്റെടുത്ത ഭൂമിക്ക് നഷ്ടപരിഹാരം നൽകുന്നതിന് വ്യാജരേഖകൾ ഉണ്ടാക്കിയെന്ന ആരോപണവും ഉയർന്നിരുന്നു. കോടിക്കണക്കിന് രൂപയുടെ അഴിമതി നടന്നതായാണ് പരാതി.
TAGS: KARNATAKA | ED | RAID
SUMMARY: ED raids on KIADB offices in Bengaluru and Dharwad
WhatsApp
Telegram
