ബെംഗളൂരു: ബിലിഗിരി രംഗനാഥസ്വാമി ഹിൽസിലെ ബിആർടി കടുവാ സങ്കേതത്തിൽ നിന്ന് രണ്ട് കാട്ടാനകളുടെ ജഡം കണ്ടെത്തി. പാതി ഭക്ഷിച്ച നിലയിലായിരുന്നു ജഡം കണ്ടെത്തിയതെന്ന് വനം വകുപ്പ് ഉദ്യോഗസ്ഥർ പറഞ്ഞു. കടുവാ സങ്കേതത്തിലെ ബൈലൂർ, യെലന്തൂർ ഫോറസ്റ്റ് റേഞ്ചുകളിലാണ് ആനകളുടെ ഇവ കണ്ടെത്തിയത്.
ബൈലൂർ റേഞ്ചിൽ കണ്ടെത്തിയ ആന 7-8 മാസം മുമ്പ് ചെരിഞ്ഞതാണെന്നും യെലന്തൂർ റേഞ്ചിൽ കണ്ടെത്തിയ ആന 20 ദിവസം മുമ്പും ചെരിഞ്ഞതാണെന്നും വനം വകുപ്പ് ഉദ്യോഗസ്ഥർ പറഞ്ഞു. ഇവയുടെ കൊമ്പുകൾക്ക് കേടുപാടുകൾ പറ്റിയിട്ടില്ല. മറ്റേതെങ്കിലും മൃഗങ്ങളുടെ ആക്രമണത്തിൽ ഇവ ചെറിഞ്ഞതാകാനാണ് സാധ്യതയെന്നും ഉദ്യോഗസ്ഥർ വിശദീകരിച്ചു. സംഭവത്തെ തുടർന്ന് പട്രോളിംഗ് ശക്തമാക്കാൻ തീരുമാനിച്ചതായി വനം വകുപ്പ് അറിയിച്ചു.
TAGS: KARNATAKA | WILD ELEPHANT
SUMMARY: Bodies of two elephants found in BRT tiger reserve
