ബെംഗളൂരു മലബാർ മുസ്ലിം അസോസിയേഷന് കീഴിലെ വിവിധ കേന്ദ്രങ്ങളിലെ മീലാദ് സംഗമങ്ങൾ 22 ന് ആരംഭിക്കും. മൈസൂർ റോഡിലെ എം.എം.എ ഓഡിറ്റോറിയത്തിൽ നടക്കുന്ന ഹയാത്തുൽ ഇസ്ലാം മദ്രസ വിദ്യാർത്ഥികളുടെ ഫെസ്റ്റ് പ്രസിഡണ്ട് ഡോ .എൻ.എ. മുഹമ്മദ് ഉദ്ഘാടനം ചെയ്യും. തുടർന്ന് വിദ്യാർത്ഥികളുടെ കലാമൽസരങ്ങളും നടക്കും.
ഒക്ടോബർ 2 ന് ജയനഗർ ബ്രാഞ്ച് കമ്മിറ്റിയുടെ ആഭിമുഖ്യത്തിൽ ബെന്നാർഘട്ട റോഡിലെ എ.എം.സി ഫംഗ്ഷന് ഹാളിൽ നടക്കുന്ന രണ്ടാം ഘട്ട സംഗമത്തിൽ എം എംഎ തിലക് നഗർ മദ്രസ വിദ്യാർത്ഥികളുടെ കലാമൽസരങ്ങൾ നടക്കും. ഒക്ടോബർ 4 ന് വെള്ളിയാഴ്ച്ച ഡബിൾ റോഡ് ഖാദർ ശരീഫ് ഗാർഡനിലെ ശാഫി മസ്ജിദിൽ മൗലിദ് സംഗമവും മദ്ഹ് റസൂൽ പ്രഭാഷണവും നടക്കും. 6 ന് ആസാദ് നഗർ ബ്രാഞ്ച് കമ്മിറ്റിയുടെ ആഭിമുഖ്യത്തിൽ ഹിദായത്തുൽ ഇസ്ലാം വിദ്യാർത്ഥികളുടെ കലാമൽസരങ്ങളും മദ്ഹ് റസൂൽസംഗമവും നടക്കുന്നതോടെ പരിപാടിക്ക് സമാപനം കുറിക്കും.
സംപ്റ്റംബർ16 ന് തിങ്കളാഴ്ച്ച ആസാദ് നഗറിൽ നബിദിനഘോഷയാത്ര നടക്കും. വിദ്യാർത്ഥികളുടെ ദഫും സ്കൗട്ടും ഘോഷയാത്രക്ക് അകമ്പടി നൽകും. നബിദിനം പ്രമാണിച്ച് തിങ്കളാഴ്ച്ച എല്ലാ കേന്ദ്രങ്ങളിലും മൗലിദ് പാരായണവും മദ്ഹ് റസൂൽ പ്രഭാഷണവും നടക്കും.
<br>
TAGS : MALABAR MUSLIM ASSOCIATION
WhatsApp
Telegram
