ഷോർട്ട് സർക്യൂട്ട്; ഓടിക്കൊണ്ടിരുന്ന കാറിന് തീപിടിച്ചു

ബെംഗളൂരു: ഉഡുപ്പിയിൽ ഓടിക്കൊണ്ടിരുന്ന കാറിന് തീപിടിച്ചു. എംടിആർ ഹോട്ടലിന് സമീപം ചൊവ്വാഴ്ച രാവിലെയാണ് സംഭവം. ബ്രഹ്മഗിരി സ്വദേശിയായ വയോധികൻ ഓടിച്ച ആൾട്ടോ കാറിനാണ് തീപിടിച്ചത്. ഷോർട്ട് സർക്യൂട്ടുണ്ടായതാണ് അപകടകാരണമെന്ന് ഉഡുപ്പി സിറ്റി പോലീസ് പറഞ്ഞു. വാഹനത്തിൽ നിന്ന് പുക ഉയരുന്നത് കണ്ടതോടെ വയോധികൻ കാർ നിർത്തി പുറത്തിറങ്ങിയതിനാൽ രക്ഷപ്പെട്ടു.

കാറിൻ്റെ മുൻഭാഗത്താണ് തീപിടിച്ചത്. അഗ്നിശമന സേനയെത്തിയാണ് തീ അണച്ചത്. കാറിൻ്റെ ബാറ്ററിയിലുണ്ടായ ഷോർട്ട് സർക്യൂട്ടാണ് തീപിടുത്തത്തിന് കാരണമെന്നാണ് പോലീസ് നിഗമനം. ഇതേതുടർന്ന് പ്രദേശത്തെ ഗതാഗതം മണിക്കൂറുകളോളം തടസപ്പെട്ടു. പിന്നീട് ട്രാഫിക് പോലീസ് സ്ഥലത്തെത്തിയാണ് ഗതാഗതം പുനസ്ഥാപിച്ചത്.

TAGS: KARNATAKA | FIRE
SUMMARY: Fire breaks out in moving car due to short circuit