പീഡനാരോപണം; മുൻ മന്ത്രിക്കെതിരെ കേസ്

ബെംഗളൂരു: പീഡനാരോപണത്തിൽ മുൻ മന്ത്രിയും കോൺഗ്രസ് എംഎൽഎയുമായ വിനയ് കുൽഖർണിക്കെതിരെ കേസെടുത്തു. 34 കാരിയായ യുവതിയാണ് സഞ്ജയ്‌നഗർ പോലീസ് സ്റ്റേഷനിൽ പരാതി നൽകിയത്.

ധാർവാഡിലെ എംഎൽഎയായ കുൽക്കർണിയെ ഒന്നാം പ്രതിയായും സഹായി അർജുൻ എന്നയാളെ രണ്ടാം പ്രതിയായും ചേർത്താണ് കേസെടുത്തിരിക്കുന്നത്. കഴിഞ്ഞ വർഷമാണ് എംഎൽഎ തന്നെ ലൈംഗികമായി പീഡിപ്പിച്ചതെന്ന് യുവതി പരാതിയിൽ പറഞ്ഞു.

സാമൂഹിക പ്രവർത്തകയായ തന്നെ ബെംഗളൂരുവിലെ വീട്ടിലേക്ക് എംഎൽഎ വിളിച്ചുവരുത്തിയിരുന്നു. തുടർന്ന് തന്നെ പീഡിപ്പിക്കുകയായിരുന്നുവെന്ന് യുവതി ആരോപിച്ചു. പിന്നീട് പലതവണ പലതവണ രാത്രികളിലും എംഎൽഎ തന്നെ ഫോണിൽ വിളിച്ച് ശല്യപെടുത്തിയിരുന്നു. എന്നാൽ ഫോൺ എടുക്കാതായപ്പോൾ ഗുണ്ടകളെ വിട്ട് ഭീഷണിപ്പെടുത്തിയിരുന്നെന്നും യുവതി പരാതിയിൽ ആരോപിച്ചു. സംഭവത്തിൽ എംഎൽഎക്കെതിരെ കേസെടുത്തിട്ടുണ്ടെന്നും, അന്വേഷണം പുരോഗമിക്കുകയാണെന്നും പോലീസ് പറഞ്ഞു.

TAGS: RAPE | BOOKED
SUMMARY: MLA and former minister Vinay Kulkarni accused of rape