ബെംഗളൂരു: ബാംഗ്ലൂർ മലയാളി റൈറ്റേഴ്സ് ആന്‍റ് ആർട്ടിസ്റ്റ്സ് ഫോറം ഒരുക്കുന്ന കവിതായനം 24 ഇന്ന് രാവിലെ 10:30 മുതൽ കാരുണ്യ ബെംഗളൂരുവിൽ നടക്കും. ഉത്തരാധുനിക മലയാള സാഹിത്യത്തിലെ ശ്രദ്ധേയനായ കവി വീരാൻകുട്ടി മുഖ്യാതിഥിയാകും. കവിത – വാക്കും വിതാനവും എന്ന വിഷയത്തിൽ സംവാദം നടക്കും. കവിതയിൽ സംഭവിക്കുന്ന ചലനങ്ങളും നവീനപ്രവണതകളും പരിപാടിയിൽ അനാവരണം ചെയ്യപ്പെടും. ബെംഗളൂരുവിലെ കവികൾ സ്വന്തം കവിതകൾ അവതരിപ്പിക്കും. ബെംഗളൂരുവിലെ എഴുത്തുകാരും സാംസ്കാരിക പ്രവർത്തകരും കവിതകളുടെ അവലോകനം നിർവ്വഹിക്കും. മലയാളത്തിലെ ശ്രദ്ധേയമായ കവിതകൾ ചേർത്തൊരുക്കുന്ന കാവ്യമാലിക എന്ന പരിപാടിയും ഉണ്ടായിരിക്കും.
റൈറ്റേഴ്സ് ഫോറം പ്രവർത്തകരുടെ രണ്ട് കൃതികളുടെ പ്രകാശനം കവി വീരാൻകുട്ടി നിർവ്വഹിക്കും. സതീഷ് തോട്ടശ്ശേരിയുടെ ഋതുഭേദ കൽപനകൾ രമ പ്രസന്ന പിഷാരടി ഏറ്റുവാങ്ങും. മുഹമ്മദ് കുനിങ്ങാട് എഴുതിയ വൈവിധ്യങ്ങളിൽ നിറയുന്ന സൗന്ദര്യം വിഷ്ണുമംഗലം കുമാർ സ്വീകരിക്കും. ബെംഗളൂരുവിലെ പ്രമുഖ സാഹിത്യസാംസ്കാരിക പ്രവർത്തകര്‍ ചടങ്ങില്‍ പങ്കെടുക്കും. ഫോണ്‍: 99453 04862
<BR>
TAGS : ART AND CULTURE
