ചെന്നൈ: ഒരു രാജ്യം ഒരു തിരഞ്ഞെടുപ്പ് നിർദേശത്തിനെതിരെ പ്രമേയം പാസാക്കി നടൻ വിജയിയുടെ തമിഴക വെട്രി കഴകം (ടിവികെ). പാർട്ടിയുടെ എക്‌സിക്യൂട്ടീവ് കൗൺസിൽ യോഗത്തിലാണ് കേന്ദ്രത്തിൻ്റെ നിർദ്ദേശത്തെ എതിർത്ത് പ്രമേയം പാസാക്കിയത്. നാഷണൽ എലിജിബിലിറ്റി കം എൻട്രൻസ് ടെസ്റ്റ് (നീറ്റ്) തമിഴ്‌നാട്ടിൽ നിന്ന് പിൻവലിക്കണമെന്നും പാർട്ടി പ്രമേയം ആവശ്യപ്പെട്ടു.
സംസ്ഥാനത്ത് ജാതി സർവേ നടത്താത്ത ഡിഎംകെ സർക്കാരിനെ അപലപിക്കുകയും, കേന്ദ്രത്തെ കുറ്റപ്പെടുത്തുകയും ചെയ്തു. തമിഴ്‌നാട് മുഖ്യമന്ത്രി എം.കെ. സ്റ്റാലിൻ്റെ നേതൃത്വത്തിലുള്ള ഡിഎംകെയ്‌ക്കെതിരെയും നിരവധി ആരോപണങ്ങൾ ടിവികെ ഉന്നയിച്ചു.
സമത്വം, സാമൂഹ്യനീതി, മതനിരപേക്ഷത, കോടതികളിൽ തമിഴിനെ ഭരണഭാഷയായി ഉയർത്തുക, ഗവർണർ സ്ഥാനം നീക്കം ചെയ്യുക എന്നിവ ഉൾപ്പെടുന്ന പാർട്ടിയുടെ ആശയങ്ങളും ലക്ഷ്യങ്ങളും നടൻ പ്രഖ്യാപിച്ചു. 2026ലെ നിയമസഭാ തിരഞ്ഞെടുപ്പിൽ തമിഴ്‌നാട്ടിൽ തൻ്റെ പാർട്ടി മത്സരിക്കുമെന്നും വിജയ് അറിയിച്ചു.
TAGS: NATIONAL | ONE NATION ONE ELECTION
SUMMARY: Actor Vijays TVK opposes one nation one election proposal
