ബെംഗളൂരു: സ്വകാര്യ ബസ് റോഡിൽ തലകീഴായി മറിഞ്ഞുണ്ടായ അപകടത്തിൽ അഞ്ച് കുട്ടികൾക്ക് പരുക്കേറ്റു. വ്യാഴാഴ്ച പുലർച്ചെ കൊപ്പാൾ ഗംഗാവതിയിലെ പ്രഗതി നഗറിന് സമീപമാണ് അപകടമുണ്ടായത്. ഹംപിയിലേക്ക് സ്കൂൾ കുട്ടികളെയും കൊണ്ട് വിനോദയാത്ര പോയ ബസാണ് അപകടത്തിൽ പെട്ടത്.
60 വിദ്യാർഥികളും ആറ് അധ്യാപകരുമാണ് ബസിലുണ്ടായിരുന്നത്. ഡ്രൈവർക്ക് നിയന്ത്രണം നഷ്ടപ്പെട്ടതിനെ തുടർന്നാണ് ബസ് മറിഞ്ഞതെന്ന് ഗംഗാവതി ഡെപ്യൂട്ടി പോലീസ് സൂപ്രണ്ട് സിദ്ധനഗൗഡ പാട്ടീൽ പറഞ്ഞു. പരുക്കേറ്റ വിദ്യാർഥികളെ സമീപത്തെ താലൂക്ക് ആശുപത്രിയിൽ പ്രവേശിപ്പിച്ചു. സംഭവത്തിൽ കൊപ്പാൾ പോലീസ് കേസെടുത്തു.
TAGS: KARNATAKA | ACCIDENT
SUMMARY: Five school students injured after bus topples on raod
