ബെംഗളൂരു : കെഎൻഎസ്എസ്. വിജയനഗർ കരയോഗം വാർഷിക കുടുംബസംഗമം അത്തിഗുപ്പെ മെട്രോ സ്റ്റേഷന് സമീപം ഉള്ള ബണ്ട്സ്‌
സംഘ ഹാളിൽ നടന്നു. വിജയനഗർ എം.എൽ.എ. എം. കൃഷ്ണപ്പ ഉദ്ഘാടനം നിർവഹിച്ചു. സാംസ്കാരികസമ്മേളനത്തിൽ പ്രസിഡന്റ് പി.എസ്. പിള്ള അധ്യക്ഷനായി. വനിതാ കമ്മിഷൻ ചെയർപേഴ്സൺ ഡോ. നാഗലക്ഷ്മി ചൗധരി, സംവിധായകൻ നവീൻ ദ്വാരകനാഥ്, ചാനൽ അവതാരക ദിവ്യജ്യോതി, കെ.എൻ.എസ്.എസ്. വൈസ് ചെയർമാൻ കെ.വി. ഗോപാലകൃഷ്ണൻ, കരയോഗം സെക്രട്ടറി രാജ്‌മോഹൻ, ഖജാൻജി വേണുഗോപാൽ, മഹിളാവിഭാഗം പ്രസിഡന്റ് ഗിരിജാ നായർ, സെക്രട്ടറി അനിതാ മുരളി എന്നിവർ പങ്കെടുത്തു.
അംഗങ്ങളുടെ വിവിധ കലാപരിപാടികൾ, ഉന്നതവിജയം നേടിയ വിദ്യാർഥികൾക്കുള്ള മെറിറ്റ് അവാർഡ് വിതരണം, ഓണസദ്യ എന്നിവയുണ്ടായി. അനുമോദനച്ചടങ്ങിൽ ചെയർമാൻ ആർ. മനോഹരക്കുറുപ്പ്, ജന. സെക്രട്ടറി ടി.വി. നാരായണൻ, ഖജാൻജി വിജയ് കുമാർ, വൈസ് ചെയർമാൻ ജി. മോഹൻകുമാർ, ജോ. ജനറൽസെക്രട്ടറി ഹരീഷ് കുമാർ, മുൻചെയർമാൻ രാമചന്ദ്രൻ പാലേരി, മുൻ ജോ. ട്രഷറർ സി. വേണുഗോപാൽ എന്നിവർ പങ്കെടുത്തു. തുടർന്ന്, കെ.എൻ.എസ്.എസ്. മ്യൂസിക് ബാൻഡ് സംഗീതികയുടെ ഗായകർ അവതരിപ്പിച്ച ഗാനമേളയും നടന്നു.
<br>
TAGS : KNSS
