ഡെറാഡൂണ്‍: ഉത്തരാഖണ്ഡിലെ പൗരി ജില്ലയിലെ സത്പുലി സിലോഗി ഗുംഖലിനടുത്തുള്ള ദ്വാരിഖലില്‍ കാര്‍ തോട്ടിലേക്ക് മറിഞ്ഞ് ഒരു കുടുംബത്തിലെ മൂന്ന് പേര്‍ മരിച്ചു. ഡല്‍ഹി സ്വദേശികളായ വിനോദ് സിംഗ് നേഗി (59), ഭാര്യ ചമ്പ ദേവി (57), മകന്‍ ഗൗരവ് (26) എന്നിവരാണ് മരിച്ചത്. ഡല്‍ഹിയില്‍ നിന്ന് പൗരി ജില്ലയിലെ കുത്തര്‍ഗാവിലുള്ള തറവാട് വീട്ടിലേക്ക് പോകുന്നതിനിടെയാണ് അപകടമുണ്ടായത്.
ഡ്രൈവര്‍ക്ക് നിയന്ത്രണം നഷ്ടമായതോടെ 300 മീറ്റര്‍ ആഴമുള്ള തോട്ടിലേക്ക് വാഹനം മറിയുകയായിരുന്നുവെന്നാണ് വിവരം. അപകടവിവരം ലഭിച്ചയുടൻ പോലീസും എസ്ഡിആർഎഫ് സംഘവും സ്ഥലത്തെത്തി. മൃതദേഹങ്ങൾ തോട്ടില്‍ നിന്നും എടുത്ത് പോസ്റ്റ്‌മോർട്ടത്തിന് അയച്ചിട്ടുണ്ട്.
<BR>
TAGS : ACCIDENT | UTTARAKHAND
SUMMARY : Three members of the family died after the car fell into the ditch
