കൊച്ചി: ഹണി റോസ് നല്കിയ പരാതിയില് രാഹുല് ഈശ്വറിനെതിരെ പ്രതി ചേർത്തിട്ടില്ലെന്ന് പോലീസ്. പരാതിയില് പോലീസ് ഹൈക്കോടതിയില് നല്കിയ റിപ്പോർട്ടിലാണ് ഇക്കാര്യം അറിയിച്ചത്. നിയമോപദേശത്തിന്റെ അടിസ്ഥാനത്തില് തുടർനടപടി സ്വീകരിക്കുമെന്നാണ് പോലീസ് അറിയിച്ചത്.
കഴിഞ്ഞ ദിവസം ഹൈക്കോടതി സെന്ട്രല് പോലീസിനോട് നിലപാട് തേടിയിരുന്നു. എന്നാല് കേസെടുക്കാന് വകുപ്പുകളില്ലെന്നായിരുന്നു പോലീസ് കോടതിയില് വ്യക്തമാക്കിയത്. പരാതിയുടെ സ്വഭാവമനുസരിച്ച് കോടതി മുഖാന്തരമാണ് കേസില് തുടര്നടപടി സ്വീകരിക്കാനാകുക. ഇക്കാര്യം ഹണി റോസിനോടും പോലീസ് വ്യക്തമാക്കിയിട്ടുണ്ട്. സാമൂഹിക മാധ്യമങ്ങളിലൂടെയും ചാനല് ചര്ച്ചകളിലൂടെയും തന്നെ അധിക്ഷേപിച്ചുവെന്നായിരുന്നു ഹണി റോസിന്റെ പരാതി.
കൂടാതെ തൃശൂര് സ്വദേശി സലിമും രാഹുലിനെതിരെ പരാതി നല്കിയിരുന്നു. അതേസമയം ഹണി റോസിനെ അധിക്ഷേപിച്ചിട്ടില്ലെന്നായിരുന്നു രാഹുല് ഈശ്വറിന്റെ വാദം. ഹണി റോസിന്റെ വസ്ത്ര ധാരണത്തില് ഉപദേശം നല്കുക മാത്രമാണ് താന് ചെയ്തത്. സൈബര് ആക്രമണത്തിന് കാരണമായ ഒന്നും മാധ്യമങ്ങളിലൂടെ സംസാരിച്ചിട്ടില്ല. ആര്ക്കെതിരെയും സൈബര് അധിക്ഷേപം പാടില്ല എന്നാണ് തന്റെ നിലപാട് എന്നുമാണ് നേരത്തെ ഹൈക്കോടതിയില് നല്കിയ മുന്കൂര് ജാമ്യാപേക്ഷയില് രാഹുല് ഈശ്വര് പറഞ്ഞത്.
TAGS : RAHUL ESHWAR
SUMMARY : Honey Rose’s Complaint; In the police court, a case cannot be filed against Rahul Eshwar
WhatsApp
Telegram
