മലപ്പുറം : എടപ്പാൾ മാണൂരില് കെഎസ്ആര്ടിസി ബസും ടൂറിസ്റ്റ് ബസും കൂട്ടിയിടിച്ച് അപകടം. അപകടത്തില് 30ല് അധികം യാത്രക്കാര്ക്ക് പരുക്കേറ്റു. ഇന്ന് പുലര്ച്ചെ 2.50ന് എടപ്പാളിനടുത്തുള്ള മാണൂരില് ആണ് അപകടമുണ്ടായത്. മൂന്നുപേരുടെ പരുക്ക് ഗുരുതരമാണ്. അപകടത്തെതുടര്ന്ന് ബസുകളുടെ മുന്ഭാഗം പൂര്ണമായും തകര്ന്നു.
ഗുരുതരമായി പരുക്കേറ്റവരിൽ ഒരാളെ കോട്ടക്കലിലെ സ്വകാര്യ ആശുപത്രിയിലും രണ്ടു പേരെ തൃശൂര് മെഡിക്കൽ കോളേജിലേക്കും മാറ്റിയിട്ടുണ്ട്. തൃശൂര്-മലപ്പുറം സംസ്ഥാന പാതയിലാണ് അപകടമുണ്ടായത്.തൃശൂരിൽ നിന്ന് മാനന്തവാടിയിലേക്ക് പോവുകയായിരുന്ന കെഎസ്ആര്ടിസി ബസും കാസറഗോഡ് നിന്ന് എറണാകുളത്തേക്ക് പോവുകയായിരുന്ന ടൂറിസ്റ്റ് ബസും ആണ് കൂട്ടിയിടിച്ചത്. ബസുകളുടെ മുൻഭാഗം പൂര്ണമായും തകര്ന്നു. അപകടത്തെ കുറിച്ച് കൂടുതൽ അന്വേഷിച്ചുവരുകയാണെന്ന് പോലീസ് അറിയിച്ചു.
<BR>
TAGS : ACCIDENT
SUMMARY : KSRTC bus and tourist bus collide in Edapal; More than 30 people were injured
