ഛത്തിസ്ഗഡിലെ ബിജാപൂര് ജില്ലയില് സുരക്ഷാ സേനയുമായി ഉണ്ടായ ഏറ്റുമുട്ടലില് എട്ടു മാവോയിസ്റ്റുകള് കൊല്ലപ്പെട്ടു. ഗംഗളൂര് പൊലീസ് സ്റ്റേഷന് പരിധിയിലെ വനമേഖലയില് ശനിയാഴ്ച രാവിലെ 8.30നായിരുന്നു ഏറ്റമുട്ടലുണ്ടായതെന്ന് പോലീസ് വ്യക്തമാക്കി.
മാവോയിസ്റ്റ് ഓപ്പറേഷനുമായി ബന്ധപ്പെട്ട് സുരക്ഷാ സേനയുടെ സംയുക്ത സംഘം നടത്തിയ തിരച്ചിലിനിടെയാണ് വെടിവെയ്പ്പ് ഉണ്ടായത്. ഡിസ്ട്രിക്ട് റിസര്വ് ഗാര്ഡ്, സംസ്ഥാന പോലീസിന്റെ സ്പെഷ്യല് ടാക്സ് ഫോഴ്സ്, സിആര്പിഎഫ്, കോബ്ര യൂണിറ്റ് എന്നിവര് അടങ്ങുന്ന സംഘമാണ് മാവോയിസ്റ്റുകളുടെ സാന്നിധ്യം പ്രദേശത്തുണ്ടെന്ന വിവരം ലഭിച്ചതിനെ തുടര്ന്ന് തിരച്ചിലാരംഭിച്ചത്.
മാവോയിസ്റ്റുകളുടെ ഐഇഡി ആക്രമണത്തില് ഡിസ്ട്രിക്റ്റ് റിസര്വ് ഫോഴ്സിലെ എട്ടു ഉദ്യോഗസ്ഥര് കൊല്ലപ്പെട്ടതിന് പിന്നാലെയാണ് ഈ ഏറ്റുമുട്ടല് ഉണ്ടായിരിക്കുന്നത്.
TAGS : CHATTISGARH
SUMMARY : Clash in Chhattisgarh; Eight Maoists were killed
