ബെംഗളൂരു: ബൈക്കിലേക്ക് ലോറി ഇടിച്ചുണ്ടായ അപകടത്തിൽ ഒരാൾ മരിച്ചു. വിജയപുര കഗ്ഗോഡ ഗ്രാമത്തിനടുത്തുള്ള നാഷണൽ ഹൈവേ -52 ലാണ് സംഭവം. കുമാതഗി താണ്ടയിലെ വെങ്കു ചൗഹാൻ (43) ആണ് മരിച്ചത്. എസ്എസ്എൽസി പരീക്ഷാ കേന്ദ്രത്തിലേക്ക് മൂന്ന് കുട്ടികളെ ബൈക്കിൽ കൊണ്ടുപോകുന്നതിനിടെയാണ് അപകടമുണ്ടായത്.
വെങ്കുവിന്റെ മക്കളായ ഐശ്വര്യ, പ്രീതി, അയൽവാസിയായ ശ്വേത റാത്തോഡ് എന്നിവരായിരുന്നു ബൈക്കിൽ ഒപ്പമുണ്ടായത്. അമിതവേഗതയിൽ എതിർദിശയിൽ നിന്ന് വന്ന ലോറി ഇവർ സഞ്ചരിച്ച ബൈക്കിലേക്ക് ഇടിക്കുകയായിരുന്നു. വെങ്കു സംഭവസ്ഥലത്ത് തന്നെ മരിച്ചു. ഐശ്വര്യ, പ്രീതി, ശ്വേത എന്നിവർക്ക് അപകടത്തിൽ ഗുരുതരമായി പരുക്കേറ്റു. ഇവരെ സമീപത്തെ ആശുപത്രിയിൽ പ്രവേശിപ്പിച്ചു. സംഭവത്തിൽ വിജയപുര പോലീസ് കേസെടുത്തു.
TAGS: ACCIDENT | KARNATAKA
SUMMARY: Man taking 3 children on bike to SSLC exam centre dies after being hit by lorry
