ബെംഗളൂരു: കാവേരി നദിക്ക് കുറുകെ മേക്കെദാട്ടു അണക്കെട്ട് നിർമ്മിക്കാനുള്ള കർണാടക സർക്കാരിന്റെ പദ്ധതി അനുവദിക്കില്ലെന്ന് തമിഴ്നാട് ജല വകുപ്പ് മന്ത്രി ദുരൈ മുരുകൻ. കർണാടക ഇതുവരെ അന്തിമ വിശദമായ പദ്ധതി റിപ്പോർട്ട് സമർപ്പിച്ചിട്ടില്ലെന്ന് കേന്ദ്രം തമിഴ്നാട് സർക്കാരിനെ അറിയിച്ചിട്ടുണ്ടെന്ന് അദ്ദേഹം പറഞ്ഞു.
അണക്കെട്ടിലെ സംഭരണശേഷി 60 ടി.എം.സി.യാണെന്നും തമിഴ്‌നാടിന് ദോഷം വരുത്തില്ലെന്നും കർണാടക സർക്കാർ നേരത്തെ വ്യക്തമാക്കിയിട്ടുണ്ട്. മേക്കേദാട്ടിൽ കാവേരിനദിയിൽ അണക്കെട്ട് നിർമിച്ച് ബെംഗളൂരുവിലും സമീപ പ്രദേശങ്ങളിലും വെള്ളമെത്തിക്കുന്നതാണ് പദ്ധതി. എന്നാൽ, നിലവിൽ ലഭിച്ചുകൊണ്ടിരിക്കുന്ന വെള്ളത്തിന്റെ അളവ് കുറയുമെന്ന് ആരോപിച്ച് പദ്ധതിയെ തമിഴ്നാട് എതിർത്തു വരുകയാണ്.
സംസ്ഥാനത്തിന്റെ അനുമതിയില്ലാതെ കർണാടകയ്ക്ക് പദ്ധതിയുമായി മുന്നോട്ട് പോകാൻ കഴിയില്ലെന്നാണ് തമിഴ്നാട് സർക്കാരിന്റെ നിലപാട്. വിഷയത്തിൽ രണ്ട് സംസ്ഥാനങ്ങളും നിയമപോരാട്ടം നടത്തുകയാണ്.
TAGS: MEKEDATU PROJECT
SUMMARY: Tamil Nadu to stop Karnataka from going ahead with Mekedatu project
