ബെംഗളൂരു: കര്ണാടകയിലെ ഭട്ക്കല് റെയില്വെ സ്റ്റേഷനില് ട്രെയിനില് കയറുന്നതിനിടെ വഴുതി വീണ് പ്ലാറ്റ്ഫോമിനിടയില് പെട്ട് മലയാളി യുവാവ് മരിച്ചു. മലപ്പുറം എടപ്പറ്റ കൊമ്പംകല്ലിലെ ചോലശ്ശേരി ഷൗക്കത്തലിയുടേയും, ഉമ്മുസല്മയുടേയും മകന് റമീസ് (22) ആണ് മരിച്ചത്. പെരിന്തല്മണ്ണ പൊന്ന്യാകുര്ശി പള്ളി ദര്സ് വിദ്യാര്ഥിയാണ്.
ദര്സിലെ വിദ്യാര്ഥികള്ക്കൊപ്പം അജ്മീറില് സിയാറത്ത് യാത്ര കഴിഞ്ഞ് മരുസാഗര് എക്സ്പ്രസില് മടങ്ങിവരുന്നതിനിടെ ഇന്നലെ വൈകിട്ടാണ് അപകടമുണ്ടായത്. ഭട്ക്കല് റെയില്വെ സ്റ്റേഷനില് ഇറങ്ങി കുപ്പിവെള്ളം വാങ്ങിയ ശേഷം നീങ്ങിത്തുടങ്ങിയ ട്രെയിനില് കയറുന്നതിനിടെ താഴേക്ക് വീഴുകയായിരുന്നു. മൃതദേഹം നടപടി ക്രമങ്ങള് പൂര്ത്തിയാക്കി നാട്ടിലേക്ക് കൊണ്ടുപോയി. സംസ്കാരം കൊമ്പംക്കല്ല് ജുമാമസ്ജിദില് ഇന്ന് നടക്കും.
<br>
TAGS : ACCIDENT | DEATH
SUMMARY : A Malayali youth died after slipping while boarding the train
