റോട്ടറി ക്ലബ്ബ് രാജ്യാന്തര ചലച്ചിത്രമേള; ഇന്ന് മലയാള ചിത്രം ‘അപ്പുറം’ പ്രദര്‍ശിപ്പിക്കും

ബെംഗളൂരു: റോട്ടറി ക്ലബ്ബ് ബെംഗളൂരു സംഘടിപ്പിക്കുന്ന ദ്വിദിന രാജ്യാന്തര ചലച്ചിത്രമേളക്ക് ഇന്ന് തുടക്കം. റേസ് കോഴ്‌സ് റോഡിലെ ഭാരതീയ വിദ്യാഭവന്‍ ഓഡിറ്റോറിയത്തിലാണ് പ്രദര്‍ശനം. സ്ത്രീ ശാക്തീകരണം പ്രമേയമായ ചിത്രങ്ങളാണ് മേളയില്‍ പ്രദര്‍ശനത്തിന് എത്തുന്നത്.

രാവിലെ 10 30 ന് നടി സുധാറാണി മേള ഉദ്ഘാടനം ചെയ്യും. തുടര്‍ന്ന് ഇറാനിയന്‍ ചിത്രം കണ്‍ട്രോള്‍ ക്രൗഡ്, ഇന്ദു ലക്ഷ്മി സംവിധാനം ചെയ്ത മലയാള ചിത്രം അപ്പുറം, ഫ്രഞ്ച് ചിത്രം ആംഗ്രി ആനി എന്നിവ പ്രദര്‍ശിപ്പിക്കും. മൂന്ന് ഹ്രസ്വ ചിത്രങ്ങളും പ്രദര്‍ശിപ്പിക്കും.

ഞായറാഴ്ച രാവിലെ 10.30 നടക്കുന്ന സംവാദത്തില്‍ നടി പ്രിയങ്ക ഉപേന്ദ്ര പങ്കെടുക്കും. ഹിന്ദി ചിത്രം ഹ്യൂമന്‍സ് ഇന്‍ ദ ലൂപ്പ്, കന്നഡ ചിത്രം മിക്ക ബണ്ണത ഹക്കി, പിങ്കി യെല്ലി, ഫ്രഞ്ച് ചിത്രം ഫ്രാങ്ക്‌ലി ഫൈവ് സ്റ്റാര്‍ എന്നിവ പ്രദര്‍ശിപ്പിക്കും.
<br>
TAGS :  ART AND CULTURE | FILM FESTIVAL