കാട്ടാനയുടെ ജഡം രക്തത്തിൽ കുളിച്ച നിലയിൽ കണ്ടെത്തി

ബെംഗളൂരു: കാട്ടാനയുടെ ജഡം രക്തത്തിൽ കുളിച്ച നിലയിൽ കണ്ടെത്തി. ഹാസൻ സക്ലേഷ്പുര താലൂക്കിലെ സുല്ലാക്കി-ശാന്തപുരയ്ക്ക് സമീപം ശനിയാഴ്ച വൈകീട്ടോടെയാണ് സംഭവം. പ്രദേശത്തെ വൈദ്യുതി തൂണിന് സമീപമായാണ് ജഡം കണ്ടത്. ശരീരം മുഴുവൻ മുറിവുകളുണ്ടായിരുന്നു. ഏകദേശം 18-20 വയസ്സ് പ്രായമുള്ള ആനയുടെ ജഡമാണിതെന്ന് വനം വകുപ്പ് സ്ഥിരീകരിച്ചു.

വൈദ്യുതാഘാതമേറ്റോ, വെടിയേറ്റോ, അമിതവേഗതയിൽ വന്ന വാഹനമിടിച്ചോ മരിച്ചിരിക്കാമെന്നാണ് വനം വകുപ്പിന്റെ പ്രാഥമിക നിഗമനം. ഫോറെൻസിക് പരിശോധനയ്ക്ക് ശേഷം കൂടുതൽ വിവരങ്ങൾ വ്യക്തമാകുമെന്ന് ഉദ്യോഗസ്ഥർ പറഞ്ഞു. സംഭവത്തിൽ വനം വകുപ്പ് കേസ് രാജിസ്റ്റർ ചെയ്തിട്ടുണ്ട്.

TAGS: KARNATAKA | DEATH
SUMMARY: Tusker found dead in pool of blood near Sankeshpur village