കാർ കെഎസ്ആർടിസി ബസുമായി കൂട്ടിയിടിച്ച് അപകടം; യുവാവ് മരിച്ചു

ബെംഗളൂരു: കാർ കെഎസ്ആർടിസി ബസുമായി കൂട്ടിയിടിച്ചുണ്ടായ അപകടത്തിൽ ഒരു മരണം. മൈസൂരു കെ.ആർ. നഗർ താലൂക്കിലെ മഞ്ചനഹള്ളിക്ക് സമീപം ബുധനാഴ്ചയാണ് അപകടമുണ്ടായത്. കോഴിക്കോട് നിന്ന് മൈസൂരുവിലേക്ക് വരികയായിരുന്ന ബസാണ് അപകടത്തിൽ പെട്ടത്. മൈസൂരുവിലെ കനകദാസ നഗറിൽ താമസിക്കുന്ന ചിക്കമഗളൂരു മുഡിഗരെ സ്വദേശി ഡ്രൈവർ സുനിൽ (34) ആണ് മരിച്ചത്.

അപകടത്തിൽ രമേശ്‌ എന്നയാൾക്ക് ഗുരുതര പരുക്കേറ്റു. ഇയാളെ സമീപത്തെ ആശുപത്രിയിൽ പ്രവേശിപ്പിച്ചു. ഹാസനിലേക്ക് പോകുന്ന വഴിയാണ് സുനിൽ സഞ്ചരിച്ച കാർ അപകടത്തിൽ പെട്ടത്. ബസ് യാത്രക്കാരിൽ ചിലർക്കും നിസ്സാര പരുക്കുകളുണ്ട്. സംഭവത്തിൽ കെ.ആർ. നഗർ പോലീസ് കേസ് രജിസ്റ്റർ ചെയ്തു.

TAGS: KARNATAKA | ACCIDENT
SUMMARY: One dies after car crashes into. Ksrtc bus