തൊഴിലാളികളുമായി സഞ്ചരിച്ചിരുന്ന വാഹനം മറിഞ്ഞ് അപകടം; 31 പേർക്ക് പരുക്ക്

ബെംഗളൂരു: തൊഴിലാളികളുമായി പോയ ടാറ്റാ ഏയ്സ് വാഹനം മറിഞ്ഞുണ്ടായ അപകടത്തിൽ 31 പേർക്ക് പരുക്കേറ്റു. കോപ്പാൾ കരടഗി താലൂക്കിലെ ബരാഗുരു ക്രോസിന് സമീപമാണ് അപകടമുണ്ടായത്. മുസ്തൂർ ഗ്രാമപഞ്ചായത്തിൽ നിന്നുള്ള തൊഴിലാളികൾക്കാണ് പരുക്കേറ്റത്. തൊഴിലാളികൾ വാഹനത്തിൽ ജോലിസ്ഥലത്തേക്ക് പോകുകയായിരുന്നു.

28 പേർക്ക് പരുക്കേറ്റു, ഇതില്‍ മൂന്നു പേരുടെ നില ഗുരുതരമാണ്. ഇവരെ ഹുബ്ബള്ളി കിംസിൽ പ്രവേശിപ്പിച്ചു. പരുക്കേറ്റ മറ്റുള്ളവരെ ഗംഗാവതി താലൂക്ക് ആശുപത്രിയിൽ പ്രവേശിപ്പിച്ചു. സംഭവത്തിൽ കരടഗി പോലീസ് കേസെടുത്തു.

TAGS: KARNATAKA | ACCIDENT
SUMMARY: At least 31 workers suffer injuries after vehicle carrying them overturns in Koppal