ബെംഗളൂരു: നഗരത്തിലെ പ്രധാന പാതകളിലൊന്നായ ഹെബ്ബാൾ മേൽപ്പാലത്തിൽ ബെംഗളൂരു മെട്രോപൊലിറ്റൻ ട്രാൻസ്പോർട്ട് കോർപ്പറേഷൻ (ബിഎംടിസി) വോൾവോ ബസ് നിയന്ത്രണം വിട്ട് മറ്റു വാഹനങ്ങളിലിടിച്ചതിനെ തുടർന്നുണ്ടായ അപകടത്തിൽ 4 പേർക്ക് പരുക്കേറ്റു. ഇതിൽ ഒരാളുടെ നില ഗുരുതരമാണ്.
ചൊവ്വാഴ്ച രാവിലെയാണ് സംഭവം. എ.സി. ലോ ഫ്ലോര് ബസാണ് അപടകടമുണ്ടാക്കിയത്. നിയന്ത്രണം വിട്ട ബസ് മുന്നിലുള്ള നാല് ബൈക്കുകളേയും നാല് കാറുകളേയും ഇടിച്ചു തെറിപ്പിക്കുകയായിരുന്നു. നിരവധി വാഹനങ്ങൾക്ക് കേടുപാടുകൾ സംഭവിച്ചു. വിമാനത്താവളത്തിൽ നിന്ന് എച്ച്എസ്ആർ ലേഔട്ടിലേക്ക് പോവുകയായിരുന്ന ബസാണ് അപകടമുണ്ടാക്കിയത്. പരുക്കേറ്റവരെ ആശുപത്രിയിൽ പ്രവേശിപ്പിച്ചിട്ടുണ്ട്. അപകടത്തെ തുടര്ന്ന് ഹെബ്ബാൾ ട്രാഫിക് പോലീസ് സ്ഥലത്തെത്തി ഡ്രൈവറെ കസ്റ്റഡിയിലെടുത്തു. അപകടകാരണം പോലീസ് പരിശോധിച്ചുവരികയാണ്. ബസിൽ സ്ഥാപിച്ചിരുന്ന സിസിടിവി കാമറയിൽ പതിഞ്ഞ അപകട ദൃശ്യങ്ങൾ പുറത്തു വന്നിട്ടുണ്ട്.
<BR>
TAGS : ACCIDENT | HEBBAL FLYOVER
SUMMARY : Accident on Hebbal flyover; 4 people were injured after the out-of-control bus collided with cars and bikes
WhatsApp
Telegram
