ബെംഗളൂരു: ട്രെയിനിലെ ചവറ്റുകുട്ടയിൽ നിന്ന് നവജാതശിശുവിന്റെ മൃതദേഹം കണ്ടെത്തി. ഭുവനേശ്വറിൽ നിന്ന് യെലഹങ്ക റെയിൽവേ സ്റ്റേഷനിൽ എത്തിയ പ്രശാന്തി എക്സ്പ്രസിൽ നിന്നാണ് കുഞ്ഞിൻ്റെ മൃതദേഹം കണ്ടെത്തിയത്. കുഞ്ഞിനെ വെള്ള തുണിയിൽ പൊതിഞ്ഞ് ചവറ്റുകുട്ടയിലേക്ക് വലിച്ചെറിയുകയായിരുന്നുവെന്ന് റെയിൽവേ പോലീസ് പറഞ്ഞു.
ചവറ്റുകുട്ടയ്ക്കുള്ളിൽ കുഞ്ഞിനെ കണ്ട യാത്രക്കാർ റെയിൽവേ അധികൃതരെ വിവരമറിയിച്ചു. ട്രെയിനിൽ വെച്ചാണ് കുഞ്ഞ് ജനിച്ചതെന്നും ജനിച്ചയുടൻ ചവറ്റുകുട്ടയിൽ തള്ളുകയായിരുന്നുവെന്നുമാണ് റെയിൽവേ പോലീസിന്റെ പ്രാഥമിക നിഗമനം.
പോലീസ് സിസിടിവി ദൃശ്യങ്ങൾ പരിശോധിച്ചുവരികയാണ്. സംഭവവുമായി ബന്ധപ്പെട്ട് കൂടുതൽ വിവരങ്ങൾ പുറത്ത് വന്നിട്ടില്ല. യശ്വന്ത്പുര റെയിൽവേ പോലീസ് സംഭവത്തിൽ കേസെടുത്ത് അന്വേഷണം ആരംഭിച്ചു.
TAGS: BENGALURU UPDATES | TRAIN | NEWBORN BABY| DEAD
SUMMARY: Newborn baby found dead in dustbin of train
