ആർഎസ്‌എസ് തലവൻ മോഹൻ ഭഗവതിൻ്റെ സുരക്ഷാ വർധിപ്പിച്ച്‌ കേന്ദ്ര ആഭ്യന്തര മന്ത്രാലയം. പ്രധാനമന്ത്രി നരേന്ദ്ര മോദിക്കും ആഭ്യന്തര മന്ത്രി അമിത് ഷായ്ക്കുമുള്ള അഡ്വാൻസ് സെക്യൂരിറ്റി ലെയ്‌സണ്‍ (എഎസ്‌എല്‍) സുരക്ഷയാണ് ഭഗവതിന് നല്‍കിയിരിക്കുന്നത്. ബിജെപി ഇതര ഭരണ സംസ്ഥാനങ്ങളില്‍ മോഹൻ ഭാഗവത് സന്ദർശനം നടത്തുമ്പോൾ സുരക്ഷാ തുടർച്ചയായി വീഴ്ചയുണ്ടാകുന്നു എന്ന കണ്ടെത്തലിന്റെ അടിസ്ഥാനത്തിലാണ് നടപടി.
നേരത്തെ സിഐഎസ്‌എഫ് ഇസഡ് പ്ലസ് സുരക്ഷയായിരുന്നു ഭഗവതിനായി നല്‍കിയിരുന്നത്. പക്ഷെ തീവ്രവാദ ഗ്രൂപ്പുകള്‍ ഭഗവതിനെ ലക്ഷ്യമിടുന്നതിനാല്‍ അദ്ദേഹത്തിൻ്റെ സുരക്ഷയെക്കുറിച്ച്‌ ആശങ്കകള്‍ വർധിച്ചിരുന്നു. പുതിയ പ്രോട്ടോക്കോള്‍ പ്രകാരം, ജില്ലാ ഭരണകൂടങ്ങളും പോലീസും ആരോഗ്യ വകുപ്പുകളും ഡെപ്യൂട്ടേഷനില്‍ എത്തിയ ഉദ്യോഗസ്ഥരും ഗാർഡുകളും ഉള്‍പ്പെടെയുള്ളവരാണ് ഭഗവതിൻ്റെ സുരക്ഷയില്‍ സജീവ പങ്ക് വഹിക്കുക.
മള്‍ട്ടി-ലേയേർഡ് സെക്യൂരിറ്റി റിംഗുകള്‍, പ്രീ-വിസിറ്റ് റിവ്യൂ റിഹേഴ്സലുകളും ഈ സുരക്ഷാസംവിധാനത്തില്‍ ഉള്‍പ്പെടും. അദ്ദേഹത്തിന് യാത്ര ചെയ്യാൻ പ്രത്യേക ഹെലികോപ്റ്ററുകളും ഉണ്ടായിരിക്കും.
TAGS : MOHAN BHAGATH | PROTECTION | CENTRAL GOVERNMENT
SUMMARY : The central government has increased the security of Mohan Bhagwat
