ബെംഗളൂരു: മദ്യപിച്ച് വാഹനമോടിച്ചതുമായി ബന്ധപ്പെട്ട് ബെംഗളൂരുവിൽ ഒരാഴ്ചക്കിടെ രജിസ്റ്റർ ചെയ്തത് 1707 കേസുകൾ. സിറ്റി ട്രാഫിക് പോലീസ് നടത്തിയ സ്പെഷ്യൽ ഡ്രൈവിലാണ് കേസുകൾ രജിസ്റ്റർ ചെയ്തത്.
നഗരത്തിലെ അപകടനിരക്ക് കുറയ്ക്കുന്നതിനാണ് സെപ്ഷ്യൽ ഡ്രൈവ് നടത്തുന്നതെന്ന് ട്രാഫിക് പോലീസ് ജോയിന്റ് കമ്മീഷണർ എം. എൻ. അനുചേത് പറഞ്ഞു. റോഡ് സുരക്ഷ വർധിപ്പിക്കുന്നതിനും അപകടങ്ങൾ കുറയ്ക്കുന്നതിനുമുള്ള വിപുലമായ സംരംഭങ്ങളുടെ ഭാഗമാണ് ഇത്തരം കർശന നടപടികളെന്നും അദ്ദേഹം പറഞ്ഞു.
ഓഗസ്റ്റ് 23 മുതൽ 31 വരെ നഗരത്തിലുടനീളം സ്പെഷ്യൽ ഡ്രൈവ് നടത്തിയത്. 50 പോലീസ് സ്റ്റേഷനുകളിൽ നിന്നുള്ള എല്ലാ ട്രാഫിക് ഉദ്യോഗസ്ഥരും ഡ്രൈവിന്റെ ഭാഗമായിരുന്നു. മദ്യപിച്ച് വാഹനമോടിച്ച മുഴുവനാളുകൾക്കും പിഴ ചുമത്തിയതായും അദ്ദേഹം കൂട്ടിച്ചേർത്തു.
TAGS: BENGALURU | TRAFFIC POLICE
SUMMARY: Bengaluru Traffic Police book 1,707 cases against drunk drivers in one week
