ബെംഗളൂരു: പുതിയ ബൈക്ക് വാങ്ങാൻ വീട്ടുകാർ വിസമ്മതിച്ചതിനെ തുടർന്ന് കോളേജ് വിദ്യാർഥി ആത്മഹത്യ ചെയ്തു. ഹെന്നൂർ സ്വദേശിയും, സ്വകാര്യ കോളേജിലെ ബി.എസ്.സി. രണ്ടാം വർഷ വിദ്യാർഥിയുമായ അയ്യപ്പയാണ് (20) ജീവനൊടുക്കിയത്.
അയ്യപ്പൻ തനിക്ക് ബൈക്ക് വാങ്ങിക്കൊടുക്കാൻ അമ്മയോട് നിരന്തരം ആവശ്യപ്പെട്ടിരുന്നു. പിതാവ് ആറ് വർഷം മുമ്പ് മരിച്ചതിനെ തുടർന്ന് അമ്മ വീട്ടുജോലിക്ക് പോയാണ് കുടുംബം നോക്കിയിരുന്നത്. സാമ്പത്തിക ബുദ്ധിമുട്ടുകൾ കാരണം പുതിയ ബൈക്ക് വാങ്ങാൻ കഴിയില്ലെന്നും പിന്നീട് നോക്കാമെന്നുമായിരുന്നു അമ്മ പറഞ്ഞത്.
എന്നാൽ സഹപാഠികൾ തന്നെ കളിയാക്കുന്നുവെന്നും പുതിയ ബൈക്ക് വാങ്ങിനൽകിയില്ലെങ്കിൽ ജീവനൊടുക്കുമെന്നുമായിരുന്നു അയ്യപ്പയുടെ ഭീഷണി. തൊട്ടടുത്ത ദിവസം ബൈക്ക് വാങ്ങാൻ അമ്മ 50,000 കട വാങ്ങി വീട്ടിലെത്തിയപ്പോഴാണ് അയ്യപ്പയെ തൂങ്ങിമരിച്ച നിലയിൽ കണ്ടത്. പിന്നീട് പോലീസെത്തി മൃതദേഹം പോസ്റ്റ്‌മോർട്ടത്തിനായി ആശുപത്രിയിലേക്ക് മാറ്റി. സംഭവത്തിൽ ഹെന്നൂർ പോലീസ് കേസെടുത്തു.
ആത്മഹത്യ ഒരു പ്രശ്നത്തിനും പരിഹാരമല്ല. നിങ്ങൾക്ക് എന്തെങ്കിലും തരത്തിലുള്ള വിഷമമുണ്ടെങ്കിൽ ദയവായി മാനസികാരോഗ്യ വിദഗ്ധരുടെ സഹായം തേടുക.
Karnataka : Sahai (24-hour): 080 65000111, 080 65000222
Tamil Nadu : State health department’s suicide helpline: 104
Sneha Suicide Prevention Centre : 044-24640050 (listed as the sole suicide prevention helpline in Tamil Nadu)
Andhra Pradesh : Life Suicide Prevention: 78930 78930
Roshni : 9166202000, 9127848584
Kerala : Maithri: 0484 2540530, Chaithram: 0484 2361161(Both are 24-hour helpline numbers)
Telangana : State government’s suicide prevention (tollfree): 104, Roshni: 040 66202000, 6620200, SEVA: 09441778290, 040 27504682 (between 9 am and 7 pm)
TAGS: BENGALURU | SUICIDE
SUMMARY: College Student commits suicide for not getting new bike
WhatsApp
Telegram
