കൊച്ചി: ബലാത്സംഗക്കേസില് ഒളിവില് പോയ നടൻ സിദ്ദിഖിന്റെ മുൻകൂർ ജാമ്യാപേക്ഷയില് തടസ ഹർജി ഫയല് ചെയ്ത് സംസ്ഥാന സർക്കാർ. സുപ്രീംകോടതിയിലാണ് ഓണ്ലൈനായി സർക്കാർ ഹർജി നല്കിയത്. സർക്കാരിനെ കേള്ക്കാതെ സിദ്ദിഖിന്റെ ഹർജിയില് തീരുമാനമെടുക്കരുതെന്ന് ആവശ്യം.
സിദ്ദിഖ് ജാമ്യം തേടി ഇന്ന് സുപ്രീം കോടതിയെ സമീപിച്ചാന് സാധ്യതയുള്ള പശ്ചാത്തലത്തിലാണ് സര്ക്കാര് നീക്കം. മുൻ സോളിസിറ്റർ ജനറല് രഞ്ജിത് കുമാറിനെ കൊണ്ടുവരാൻ സർക്കാർ ശ്രമം തുടങ്ങിയിട്ടുണ്ട്. സംസ്ഥാനത്തിനായി സ്റ്റാൻഡിംഗ് കൗണ്സല് നിഷേ രാജൻ ഷൊങ്കറാണ് തടസ ഹർജി സമർപ്പിച്ചത്.
അതേസമയം, സിദ്ദിഖിനായി തിരച്ചില് ഊർജിതമാക്കിയിരിക്കുകയാണ് പോലീസ്. ഹൈക്കോടതി മുൻകൂർ ജാമ്യം നിഷേധിച്ചതിനെ തുടർന്ന് സിദ്ദിഖ് ജാമ്യം തേടി ഇന്ന് സുപ്രീം കോടതിയെ സമീപിച്ചേക്കുമെന്നാണ് സൂചന. അതിജീവിത പരാതി നല്കാൻ വൈകിയതടക്കം ചൂണ്ടിക്കാട്ടിയാവും ഹർജി എന്നാണ് വിവരം.
കൂടാതെ മറ്റു കേസുകളോ ക്രിമിനല് പശ്ചാത്തലമോ ഇല്ലാത്ത സിദ്ദിഖ് അന്വേഷണവുമായി സഹകരിക്കാൻ തയ്യാറാണെന്നും അറിയിക്കും. അതിജീവിതയും സുപ്രീംകോടതിയില് തടസഹർജി നല്കിയിട്ടുണ്ട്.
TAGS : ACTOR SIDDIQUE | KERALA GOVERNMENT | BAIL APPLICATION
SUMMARY : The state government has filed a stay petition on Siddique’s anticipatory bail plea
WhatsApp
Telegram
