ബെംഗളൂരു: സ്വകാര്യ ബസ് മറിഞ്ഞുണ്ടായ അപകടത്തിൽ 30 കുട്ടികൾക്ക് പരുക്ക്. ചിക്കമഗളുരു തരികെരെ താലൂക്കിലെ ബാവികെരെ ഗ്രാമത്തിന് സമീപം ബുധനാഴ്ച ഉച്ചയോടെയാണ് അപകടമുണ്ടായത്. പരീക്ഷ എഴുതി മടങ്ങുകയായിരുന്ന വിദ്യാർഥികളാണ് അപകടത്തിൽപെട്ടത്.
മറ്റൊരു വാഹനത്തെ മറികടക്കാൻ ശ്രമിക്കുന്നതിനിടെ നിയന്ത്രണം വിട്ട ബസ് അപകടത്തിൽപെടുകയായിരുന്നു. ഡ്രൈവറുടെ അശ്രദ്ധയും അമിത വേഗവുമാണ് അപകടത്തിന് കാരണമെന്ന് പോലീസ് പറഞ്ഞു. പരുക്കേറ്റ വിദ്യാർഥികളെ തരികെരെ സർക്കാർ ആശുപത്രിയിൽ പ്രവേശിപ്പിച്ചു. ഭദ്രാവതിയിൽ നിന്ന് തരികെരെയിലേക്ക് പോവുകയായിരുന്ന സ്വകാര്യ ബസ് ആണ് അപകടത്തിൽ പെട്ടത്. സംഭവത്തിൽ ലക്കവള്ളി പോലീസ് കേസെടുത്തു.
TAGS: KARNATAKA | ACCIDENT
SUMMARY: Over 30 students injured in road mishap as bus overturns on road
