ബെംഗളൂരു: ബെംഗളൂരുവിൽ സബർബൻ റെയിൽവേ പദ്ധതിക്ക് സാമ്പത്തിക സഹായവുമായി യൂറോപ്യൻ ഇൻവെസ്റ്റ്‌മെൻ്റ് ബാങ്ക് (ഇഐബി). പദ്ധതിക്ക് ഇഐബി 300 മില്യൺ യൂറോ (ഏകദേശം 2,800 കോടി) അനുവദിച്ചു. പദ്ധതി പൂർത്തിയാകുന്നതോടെ 58 സ്റ്റേഷനുകളും രണ്ട് ഡിപ്പോകളും ഉൾപ്പെടുന്ന സബർബൻ റെയിൽവേ ശൃംഖല മൊത്തം 149 കിലോമീറ്ററിൽ വ്യാപിക്കും. 2030ഓടെ ബെംഗളൂരുവിലെ ജനസംഖ്യ 1.4 കോടിയിൽ നിന്ന് 2 കോടിയായി ഉയരുമെന്ന് പ്രതീക്ഷിക്കുന്നതിനാൽ സബർബൻ റെയിൽവേ സംവിധാനം കാര്യക്ഷമമാക്കുകയാണെന്ന് ഉപമുഖ്യമന്ത്രി ഡി. കെ. ശിവകുമാർ പറഞ്ഞു.
ഇഐബി വൈസ് പ്രസിഡൻ്റ് നിക്കോള ബിയറും റെയിൽ ഇൻഫ്രാസ്ട്രക്ചർ ഡെവലപ്‌മെൻ്റ് കമ്പനി (കർണാടക) ലിമിറ്റഡ് ഫിനാൻസ് ഡയറക്ടർ അവധേഷ് മേത്തയും തമ്മിൽ നടത്തിയ കൂടിക്കാഴ്ചയിലാണ് പദ്ധതിക്ക് 300 മില്യൺ യൂറോ അനുവദിക്കാനുള്ള തീരുമാനമുണ്ടായത്. പദ്ധതിക്ക് കേന്ദ്ര സർക്കാർ 20 ശതമാനം തുക നൽകുമ്പോൾ സംസ്ഥാന സർക്കാരും ഇരുപത് ശതമാനം മാറ്റിവെക്കും. ബാക്കിയുള്ള 60 ശതമാനം തുകയാണ് ഇഐബി നൽകുക.
TAGS: BENGALURU | SUBURBAN RAIL PROJECT
SUMMARY: Bengaluru suburban rail project gets funds from EIB
