ബെംഗളൂരു: മെട്രോ നിർമാണ പ്രവൃത്തി നടക്കുന്നതിന്റെ പശ്ചാത്തലത്തിൽ ശിവാജിനഗറിൽ ഒരു മാസത്തേക്ക് വാഹനഗതാഗതം ഭാഗികമായി നിയന്ത്രിക്കുമെന്ന് ട്രാഫിക് പോലീസ് അറിയിച്ചു. നവംബർ 11 മുതൽ ശിവാജി സർക്കിളിനും ജ്യോതി കഫേയ്ക്കും ഇടയിലുള്ള റോഡിൻ്റെ ഒരു വശം 30 ദിവസത്തേക്ക് അടച്ചിടും.
ബാലേകുന്ദ്രിയിൽ നിന്ന് ശിവാജി സർക്കിൾ വഴി ശിവാജിനഗർ ബിഎംടിസി ബസ് സ്റ്റാൻഡിലേക്കുള്ള വാഹനങ്ങൾക്ക് നിയന്ത്രണം ഏർപ്പെടുത്തിയിട്ടുണ്ട്. ശിവാജി റോഡിൽ നിന്ന് ജ്യോതി കഫേയിലേക്കും ശിവാജിനഗർ ബിഎംടിസി ബസ് സ്റ്റാൻഡിലേക്കും പോകുന്ന വാഹനങ്ങൾക്കും നിയന്ത്രണമുണ്ടാകും. ബാലേകുന്ദ്രിയിൽ നിന്ന് ശിവാജിനഗർ ബിഎംടിസി ബസ് സ്റ്റാൻഡിലേക്ക് വരുന്ന ബസുകൾ ഉൾപ്പെടെയുള്ള വാഹനങ്ങൾ ട്രാഫിക് ഹെഡ് ക്വാർട്ടർ ജംഗ്ഷനിൽ നിന്ന് ഇടത്തോട്ട് തിരിഞ്ഞ് ഇൻഫൻട്രി റോഡിലൂടെ സെൻട്രൽ സ്ട്രീറ്റ് ജംഗ്ഷൻ വഴി ബിഎംടിസി ബസ് സ്റ്റാൻഡിലേക്ക് പോകണം.
ശിവാജി റോഡിൽ നിന്ന് ബിഎംടിസി ബസ് സ്റ്റാൻഡിലേക്ക് പോകുന്ന വാഹനങ്ങൾക്ക്, ശിവാജി സർക്കിളിൽ നിന്ന് വലത്തോട്ട് പോയി വെങ്കിടസ്വാമി നായിഡു റോഡ്, ബാലേകുന്ദ്രി ജംഗ്ഷൻ, ട്രാഫിക് ഹെഡ് ക്വാർട്ടർ ജംഗ്ഷൻ, ഇൻഫൻട്രി റോഡ്, സെൻട്രൽ സ്ട്രീറ്റ് ജംഗ്ഷൻ വഴി ബിഎംടിസി ബസ് സ്റ്റാൻഡിലേക്ക് കടന്നുപോകണം.
“ಸಂಚಾರ ಸಲಹೆ” /” Traffic advisory” pic.twitter.com/eoO49Htzpf
— ಬೆಂಗಳೂರು ಸಂಚಾರ ಪೊಲೀಸ್ BengaluruTrafficPolice (@blrcitytraffic) November 8, 2024
TAGS: BENGALURU | TRAFFIC RESTRICTED
SUMMARY: Shivajinagar road to be closed partially for one month
