പാലക്കാട്: ഉപ തിരഞ്ഞെടുപ്പ് നടക്കുന്ന പാലക്കാട് നിയോജക മണ്ഡലത്തിലെ വിദ്യാഭ്യാസ സ്ഥാപനങ്ങള്ക്കും സര്ക്കാര് ഓഫീസുകള്ക്കും നാളെ (നവം: 20, ബുധന്) അവധി. വോട്ടെടുപ്പ് നടക്കുന്ന സാഹചര്യത്തിലാണ് ജില്ലാ കലക്ടര് ഡോ. എസ് ചിത്ര അവധി പ്രഖ്യാപിച്ചത്.
നിയോജക മണ്ഡലത്തിലെ എല്ലാ സര്ക്കാര്, അര്ധ സര്ക്കാര്, സ്വകാര്യ സ്ഥാപനങ്ങള്ക്കും, ബേങ്കുകള്ക്കും, വിദ്യാഭ്യാസ സ്ഥാപനങ്ങള്ക്കും, പൊതുമേഖലാ സ്ഥാപനങ്ങള്ക്കും നാളെ വേതനത്തോടു കൂടിയ അവധിയായിരിക്കും.
നാളെ രാവിലെ ഏഴ് മുതല് വൈകീട്ട് ആറ് മണി വരെയാണ് വോട്ടെടുപ്പ്. അന്തിമ വോട്ടര് പട്ടിക പ്രകാരം ആകെ 1,94,706 വോട്ടര്മാരാണ് ഇത്തവണ വോട്ട് രേഖപ്പെടുത്തുന്നത്. ഇതില് 1,00,290 പേര് സ്ത്രീ വോട്ടര്മാരാണ്. 2306 പേര് 85 വയസ്സിനു മുകളില് പ്രായമുള്ളവരും 780 പേര് ഭിന്നശേഷിക്കാരും നാല് പേര് ട്രാന്സ്ജെന്ഡേഴ്സുമാണ്. 2445 കന്നിവോട്ടര്മാരും 229 പേര് പ്രവാസി വോട്ടര്മാരുമാണ്. രാവിലെ ഏഴ് മുതല് വൈകീട്ട് ആറ് മണി വരെയാണ് വോട്ടെടുപ്പ്. പുലര്ച്ചെ 5.30 ന് മോക് പോള് ആരംഭിക്കും.
<BR>
TAGS : HOLIDAY
SUMMARY : By-election: Holiday tomorrow in Palakkad constituency
WhatsApp
Telegram
