ബെംഗളൂരു: തോഡാര്‍ ശംസുല്‍ ഉലമ അറബിക് കോളേജ് പതിനഞ്ചാമത് വാര്‍ഷികത്തിന്റെ ഭാഗമായി ഏര്‍പ്പെടുത്തിയ ശംസുല്‍ ഉലമ അവാര്‍ഡ് പി.എം അബ്ദുല്‍ ലത്തീഫ് ഹാജിക്ക്. സമസ്തക്കും പോഷക ഘടകങ്ങള്‍ക്കും നല്‍കിയ സേവനങ്ങള്‍ പരിഗണിച്ചാണ് പുരസ്‌കാരം. ഫെബ്രുവരി ഒമ്പതിന് നടക്കുന്ന തോഡാര്‍ ശംസുല്‍ ഉലമ അറബിക് കോളേജിന്റെ പതിനഞ്ചാം വാര്‍ഷിക സമാപന സമ്മേളനത്തില്‍ വെച്ച് സമസ്ത പ്രസിഡന്റ് . സയ്യിദുല്‍ ഉലമ സയ്യിദ് മുഹമ്മദ് ജിഫ്രി മുത്തുക്കോയ തങ്ങള്‍ അവാര്‍ഡ് സമ്മാനിക്കും.
ബെംഗളൂരുവിലെ മത-വിദ്യാഭ്യാസ-സാമൂഹ്യ സേവനരംഗങ്ങളില്‍ സജീവ സാന്നിധ്യമായ പി.എം അബ്ദുല്‍ ലത്തീഫ് ഹാജി മലബാര്‍ മുസ്ലിം അസോസിയേഷന്‍ സെക്രട്ടറിയായും ആര്‍സി പുരം മഹല്ല് ജനറല്‍ സെക്രട്ടറിയുമായി പ്രവര്‍ത്തിച്ചുവരുന്നു.
<br>
TAGS : AWARDS
