ബെംഗളൂരു: ബെംഗളൂരു – ബെളഗാവി വന്ദേ ഭാരത് എക്സ്പ്രസ് ട്രെയിൻ സർവീസ് ഏപ്രിലിൽ ആരംഭിച്ചേക്കും. കേന്ദ്ര റെയിൽവേ മന്ത്രി അശ്വിനി വൈഷ്ണവ്, കേന്ദ്ര മന്ത്രി പ്രഹ്ലാദ് ജോഷി എന്നിവരുമായി ഇത് സംബന്ധിച്ച് ചർച്ച നടത്തിയിട്ടുണ്ടെന്നും സർവീസ് ആരംഭിക്കാൻ തീരുമാനമായതായും ബെളഗാവി എംപി ജഗദീഷ് ഷെട്ടാർ പറഞ്ഞു.
ഏപ്രിൽ ആദ്യ വാരത്തോടെ നിലവിലുള്ള ധാർവാഡ് – ബെംഗളൂരു വന്ദേ ഭാരത് എക്സ്പ്രസ് ബെളഗാവിയിലേക്ക് നീട്ടുകയാണ് ചെയ്യുക. ബെംഗളൂരു-ധാർവാഡ് വന്ദേ ഭാരത് എക്സ്പ്രസ് (20661/20662) ബെളഗാവി വരെ നീട്ടുന്നതോടെ ഇരു നഗരങ്ങൾ തമ്മിലുള്ള കണക്ടിവിറ്റിയും യാത്രാ സൗകര്യങ്ങളും വർധിക്കും.
വിവിധ ആവശ്യങ്ങൾക്കായി ആളുകൾക്ക് ബെളഗാവിയിൽ നിന്ന് ബെംഗളൂരുവിലേക്ക് വരാനും മടങ്ങാനും എളുപ്പത്തിലുള്ള യാത്ര വന്ദേ ഭാരത് സാധ്യമാക്കും. കൂടാതെ, പ്രദേശത്തിന്‍റെ സാമ്പത്തിക വളർച്ചയ്ക്കും ഇത് കാരണമാകും. രാവിലെ ബെളഗാവിയിൽ നിന്ന് പുറപ്പെട്ട് ബെംഗളൂരുവിലെത്തി രാത്രി ബെലഗാവിയിലേക്ക് മടങ്ങുന്ന വിധത്തിലാണ് വന്ദേ ഭാരത് സർവീസ് ക്രമീകരിച്ചിട്ടുള്ളത്.
TAGS: VANDE BHARAT
SUMMARY: Bengaluru – Belagavi vande bharat to likely start service from April
