തിരുവനന്തപുരം: എന്‍.സി.പി സംസ്ഥാന അധ്യക്ഷനായി തോമസ് കെ. തോമസിനെ തിരഞ്ഞെടുത്തു. പി.കെ രാജന്‍ മാസ്റ്റര്‍, പി.എം. സുരേഷ് ബാബു എന്നിവരാണ് വൈസ് പ്രസിഡന്‍റുമാര്‍. സംസ്ഥാന നേതൃത്വത്തിന്‍റെ നിർദേശം ദേശീയ നേതൃത്വം അംഗീകരിച്ചു.പി സി ചാക്കോ രാജിവെച്ച ഒഴിവിലാണ് തോമസ് കെ തോമസിനെ തിരഞ്ഞെടുത്തത്.
സംസ്ഥാന എന്‍ സിപിയിലെ പ്രശ്നങ്ങള്‍ പരിഹരിക്കുകയെന്ന ഉദ്ദേശ്യത്തോടെ നേതാക്കളെ ദേശീയ അധ്യക്ഷന്‍ ശരത് പവാര്‍ മുംബൈയിലേക്ക് ക്ഷണിച്ചിരുന്നു. ഈ യോഗത്തിലാണ് അധ്യക്ഷ പദവിയെ കുറിച്ച് അന്തിമ തീരുമാനമായത്. മന്ത്രി എ കെ ശശീന്ദ്രനാണ് അധ്യക്ഷ പദവിയിലേക്ക് തോമസ് കെ തോമസിന്റെ പേര് മുന്നോട്ട് വെച്ചിരുന്നത്. സംസ്ഥാന പ്രസിഡന്റ് സ്ഥാനം രാജിവച്ച പി.സി. ചാക്കോ ദേശീയ വർക്കിംഗ് പ്രസിഡന്റായി തുടരും.
<br>
TAGS : KERALA NCP
SUMMARY : Thomas K Thomas NCP State President
WhatsApp
Telegram
