ബെംഗളൂരു: ഹുന്‍സൂരില്‍ വൃദ്ധ ദമ്പതികളെ കൊല്ലപ്പെട്ട നിലയിൽ കണ്ടെത്തി. നാദപ്പനഹള്ളി ബിലെക്കര ഹോബ്ലി സ്വദേശികളായ രംഗസ്വാമി ഗൗഡ (65), ഭാര്യ ശാന്തമ്മ (52) എന്നിവരെയാണ് ഇവരുടെ സ്വന്തം ഫാം ഹൗസില്‍ കൊല്ലപ്പെട്ട നിലയിൽ കണ്ടെത്തിയത്. ഇന്ന് വൈകിട്ട് വൈകുന്നേരം 4 മണിയോടെയാണ് സംഭവം.
ഫാം ഹൗസിലേക്ക് ജോലി സാധനങ്ങള്‍ എടുക്കാന്‍ വന്ന ഗണേഷ് എന്ന തൊഴിലാളിയാണ് ശാന്തമ്മയെ വീടിനുള്ളിൽ രക്തത്തിൽ കുളിച്ചുകിടക്കുന്നതും, കാലിത്തൊഴുത്തിൽ രംഗസ്വാമി ഗൗഡയ്ക്ക് ഗുരുതരമായി പരുക്കേറ്റതായും കണ്ടത്. ഉടന്‍ തന്നെ ഇയാള്‍ പ്രദേശവാസികളെ വിവരമറിയിച്ചെങ്കിലും ആളുകള്‍ എത്തുമ്പോഴേക്കും ഇരുവരും മരിച്ചിരുന്നു. വിവരമറിഞ്ഞ് ഉന്നത പോലീസ് ഉദ്യോഗസ്ഥരും സ്ഥലത്തെത്തി. വിരലടയാളവിദഗ്ധരും സ്ഥലത്തെത്തി പരിശോധന നടത്തി.
കൊലപാതകത്തിന് പിന്നിലെ കാരണം വ്യക്തമല്ല. പട്ടാപകല്‍ നടന്ന ഇരട്ട കൊലപാതകം ഗ്രാമത്തിൽ പരിഭ്രാന്തി സൃഷ്ടിച്ചിട്ടുണ്ട്. സംഭവത്തില്‍ പോലീസ് അന്വേഷണം ആരംഭിച്ചിട്ടുണ്ട്.
<BR>
TAGS : MURDER | HUNSUR
SUMMARY : Elderly couple found murdered in Hunsur
